Новости Камчатки на корякском языке за 12.08.2020 г.

Итылг'ын министрано энавэеӈгиӈэпыӈ РФ генерал С. Шойгу лайвыма майӈыэччатылв'ыныӈӄо йильпыквылг'эн Эмэӈӄал валг'ык военный округык йичичг'энин миӈкые нэкутэйкыӈнэв' вано мимличыку лайвылг'ыӈ г'ытвыӈ. Ыннею келлаӈ "Ясень - М" то "Борей - А", меӈию мальвыг'аёк нэеенӈынэв' Тихоокеанский майӈыг'ытвылв'ыныӈ.

Инэллэчг'ын майӈыэнанвэеӈгиӈэпыӈ ив'нин  эналлачг'ыйикыӈ ВМФ Россиякен адмиралыӈ Н. Евменовынаӈ то Тихоокеанский иччетык С. Авакянц, тит ваны Вилючинскак ныг'итики ынанмитг'айинану.

С. Шойгу йичичг'энин инэнмелэв'гынун Петропавловскак - Камчатский, меӈин нантыватын тит амкатка ныг'итикынэв' тылг'ыллыг'у аӄачыг'ычгиӈа.

Гетама гынун, омакаӈ С. Шойгу лымӈэнай пыче итылг'ын инэллэчг'у крайик В. Солодов.

*

Итылг'у инэллэчг'у гамга политический эччатылв'ынынӄо валг'о нотаг'эӈыткынык омакаӈ инэллэчг'ык Гынунык энаплэпав'гиӈэпыӈ Камчаткан натанвэтгыӈнав' пыӈлов' амъел йингычголавык социально - экономикакенав' этгиӈо то таяӈгиӈо.

Йитг'атвылӈыгиӈын галай, мыев' ыннин ганчоччымав'лэн В. Солодовынак. Ынно ӄонпыӈ кивыӈ, ынкыеп чоччымав'э омакаӈ вэтатык гамга иччетылв'ынык, меӈию кояв'эннянӈыволаӈ ымыӈ ею йиплепавык. Пылиткома умекет вэтгыльг'алай тит ӄэтэнычг'энаӈ ныг'ыӈвонав' вэтатык совето гамга инэллэиччетылв'ынык.

Эчгыпо йинчоччымав'нэн С. Тынанто.

Эчгыпо Камчаткакенав' чав'чываеличг'энаӈ 11.08.2020 г.: https://poluostrov-kamchatka.ru/pknews/detail.php?ID=278169