Новости Камчатки на корякском языке за 11.08.2020 г.

Майӈыиччетыв'ынэ инныӈийтылг'ин омальг'анма нэкмитын вэтгыльг'атгиӈын йилык чининкинэв' кумӈу, тит аймано Камчаткакен ныг'ынг'элын Владимир Солодов. Мыев' эмет ынно ӈывой ийкыӈ в'иннетык.

Итылг'у общественный иччетылв'ынык ынныӈийтылг'ин, в'утин вэтгиӈыкенав' ветерано, инэллэчг'у иччеткинэв' йитг'атвылӈылай омакаӈ В. Солодовынак ынык инейичиванык. В'аняватэ инэллэчг'ын "Майӈыиччетылв'ынин ынныӈийтылг'эн" (СРПК) С.Тимошенко.
Ынно эвыӈ, эмен умекетык СРПК ымоӈ ынаныӈ эв'лай тит йичик аймано Камчаткакен В. Солодов.

"Ынныӈийтыиччетылв'ынык ковэталаӈ 16 тыс.г'уемтэв'илг'у. Ӈэвэӄ экмитык этг'у омакаӈ вэтатылг'о 4 отрасляк, ыннею келлаӈ 64 тысячав'. Омакаӈ йилӈык ымыӈ валг'о яйичг'ык то 115 тысячав'. Ымоӈ мыткоёналлаӈ ынныӈийтывэтгиӈа. Ымоӈ мую мыткомычв'ыналлаӈ, амъел наевэеӈлайкымоё, то наяв'энняллайкымоё В. Солодовынак",- эвыӈ С. Тимошенко

*

Ӄонпыӈ итылг'ык вэтатъомакальг'атгиӈык Инэллэиччетык крайик В. Солодовынак йилнин тайкыён инэллэчг'ыйикыӈ миӈки накотгетаӈвоӈнав' социальный этгиӈо то вэтгиӈо крайик, тит ычгынан нанг'ыӈвонав' йинчоччымавык социальный лайвыгиӈо Качаткайпыӈ ёнатылг'ыйикыӈ нотаг'эӈыткынык.

*

"Ӄавеёчго тойэтолг'ыйикыӈ " яйичг'ыӈ миӈки гайтолэн лёвыльг'ын наяӈвоӈнав' йинӄэвивык эмет 1 льгичейпыйиг'илгык 2020 г. Ӄавэёчгычыко келлаӈ ымыӈ ею яноткенав' кимитг'апелляӄо кымэӈыпелляӄыйикыӈ. Ӄавэёчго нэейиликынэв' титэ накоччелӈывоӈав' малав'ъяӈӄо, метке тите нэетэйкикынэв' свидетельствав' иччетык меӈию келлаӈ ЗАГС.

Эчгыпо йинчоччымав'нэн С. Тынанто.