Ангыт Богоявление в’уйвык Тэличчан Олюторский районык

27.01.2021 09:07:50 (GMT+12)

Ангыт Богоявление в’уйвык Тэличчан Олюторский районык
Благословенияӈко Архиепископын Петропавловский то Камчаткакен Феодора,в’уйвык Тэличчан Олюторский районык ковэтатыӈ священник- миссионер Дионисий Стефанов. Отец Дионисий тэйкынин Божественный литургиян Неделян йитг’анма Богоявления. Йилнин ӄавеёчго, йиннийлиг’у Владыката таӄалг’ыйикыӈ.

Ангытык Крещениян Господня вэтатылг’а ванык таӄалг’эн тилинин чин Великого освещения мимлин плиткома Литургиян, меӈин итти ныкита 18-19 лыгуллэв’ыт йиг’илгык.

«Ваят ӈынвыӄ кенӈывоӈ вэтатынвык, ийкыӈ Литургический ёнатгиӈын- инеткин этгиӈын приходской юнэтин. Тыкуллэӈнэв’ панихидав’, тыкопаломтэлӈывоӈнав’ г’уемтэв’илг’у, Крещенияв’, Соборованияв’. Ӈынвычгаё копӈылотӄэв’ӈыволаӈ увикикьйит»,- эвыӈ отец Дионисий. В’уткекьйит в’анявалай эначгыпав’ъэччатыӈӄо Петропавловскакен то Камчаткакен епархияк.

Энянимэвылг’ын С. Тынанто.

Делитесь новостями Камчатки
в социальных сетях:

Свежие новости Камчатки, новости Петропавловска-Камчатского