Эчгыпо Камчаткакенав’ чав’чываеличг’энаӈ 19.01.2021 г.

19.01.2021 08:29:29 (GMT+12)

Эчгыпо Камчаткакенав’ чав’чываеличг’энаӈ 19.01.2021 г.
5 инэнмэлэв’ъиччетык наӈвонав’ тэйкык прививкав’ ёнатылг’ыйикыӈ Петропавловскак- Камчаткакен то Елизовык, тит атг’ылӈывока тойаӄачыг’ычгиӈа.

Накотынпоӈнав’ юнэтылг’у Камчаткак вакцината Гам- КОВИД-ВАК (Спутник V), меӈин гантоӈвав’лэн вэтатылг’а НИЦ эпидемиологияӈӄо то микробиологияӈӄо нынылг’этылг’ын Н. Ф. Гамалеи.

«16 лыгуллэв’ыт йиг’илгык Камчаткайтыӈ нэеннэв’ этг’у 6000 вакцинав’. Эчги ыччу накув’ъйипӈынав’ ванык «Камчатфармациян»-тит яйтаӈык вакцинав’, иччетэ нэйкуйин инанӄинав’ъявэнаӈ. Ыннею вакцинав’ намкумг’ыг’ав’ нанг’ыгыннитикынав’. То ампулав’ накакменӈывоӈнав’ ятан титэ накоӈвоӈнав’ ыччу явак. Чиӄъивив’ йиг’илгык этг’у нэкуг’энӈынэв’ вакцинав’ тит привикатык 12600 г’уемтэв’илг’у»,- эвыӈ инингив’ инэллэчг’ин энанмалав’гиӈэпыӈ М. Волкова.

*

15 г’ылв’ыёк в’утин йиг’илгык галалай паломтэлгиӈо «Йиплэпав’гиӈо в’уйвык Палана»,меӈин яӈвоӈ итык Государственный тайкыёк Российский Федерацияк «Йиплэпав’гиӈо в’увыпиляӄкин вано» 2022 г.

О. Мохиревынак аӈъянэн ӈаеё г’уемтэв’илг’у, меӈию эллай пыӈлоткогиӈык.

Пылиткома вэтгиӈо,19 лыгуллэв’ыт инэллэчг’э Паланык нэеннийӈынэв’ калив’ министерствайтыӈ тапечгыӈгиӈэпыӈ крайик 17 этгиӈэпыӈ.

Эчгыпо йинчоччымав’нэн С. Тынанто.

Делитесь новостями Камчатки
в социальных сетях:

Свежие новости Камчатки, новости Петропавловска-Камчатского