25.01.2021 08:39:28 (GMT+12)
Камчаткак амъел когалаӈ ымроссиякен этгиӈын «Студенческий десант». В’отэныӈӄо вэтатылг’о Корякский МО МВД Россиякен йитг’атвылӈылай омакаӈ ейгучев’ӈылг’ык Паланкэн колледжак.
В’иннетычг’ын инэллэчг’ын иччетык МВД Россиякен ( вэтгиӈэпыӈ гынунык иччетык) Корякский МО МВД Россиякен итылг’ын подпоковнико О. Ширшина панэнатвэ миӈкые тойваято нэейгучев’ӈикынэв’ экмитык ныгычголӄэнав’ яйгочав’ӈыгиӈо ВУЗак МВД,то миӈкые ӈывок вэтатык иччетылв’ынык МВД. Тойваята лиги наӈвонав’ лыӈык яӄ кытаван итылг’у этгиӈо ныг’итикынэв’ тит вэтатык иччетык МВД, то яӄ социальный в’эннятгиӈо ийкыӈ котвалаӈ вэтатылг’ыйикыӈ полицияк.
Вэтатылг’а юрисконсультано Корякский МО МВД Росссиякен майора А. Кудашкинынак тывынэн вэтгиӈо гайматылг’эн в’иннетык, миӈкые ӈакые чыгэлык то яӄ льготав’ ийкыӈ келлаӈ.
Плиткома йитг’атвылӈыгиӈын вэтатылг’а полицияк натвынав’ в’аняво гамгапыӈлойпыӈ тойваятэн, студентайиӄ наӈъянав’ вэтатылг’о полицияк эӈиньмыйитг’атвылӈыгиӈыкъет, меӈӄойиӈ ӈынвыӄ ею лиги наӈвонав’ лыӈык.
В’отэныӈӄо панэнатвылай эначгыпав’ъэччатыӈӄо УМВД Россиякен Камчатский крайик.
Эчгыпо йинчоччымав’нэн С. Тынанто.
В’иннетычг’ын инэллэчг’ын иччетык МВД Россиякен ( вэтгиӈэпыӈ гынунык иччетык) Корякский МО МВД Россиякен итылг’ын подпоковнико О. Ширшина панэнатвэ миӈкые тойваято нэейгучев’ӈикынэв’ экмитык ныгычголӄэнав’ яйгочав’ӈыгиӈо ВУЗак МВД,то миӈкые ӈывок вэтатык иччетылв’ынык МВД. Тойваята лиги наӈвонав’ лыӈык яӄ кытаван итылг’у этгиӈо ныг’итикынэв’ тит вэтатык иччетык МВД, то яӄ социальный в’эннятгиӈо ийкыӈ котвалаӈ вэтатылг’ыйикыӈ полицияк.
Вэтатылг’а юрисконсультано Корякский МО МВД Росссиякен майора А. Кудашкинынак тывынэн вэтгиӈо гайматылг’эн в’иннетык, миӈкые ӈакые чыгэлык то яӄ льготав’ ийкыӈ келлаӈ.
Плиткома йитг’атвылӈыгиӈын вэтатылг’а полицияк натвынав’ в’аняво гамгапыӈлойпыӈ тойваятэн, студентайиӄ наӈъянав’ вэтатылг’о полицияк эӈиньмыйитг’атвылӈыгиӈыкъет, меӈӄойиӈ ӈынвыӄ ею лиги наӈвонав’ лыӈык.
В’отэныӈӄо панэнатвылай эначгыпав’ъэччатыӈӄо УМВД Россиякен Камчатский крайик.
Эчгыпо йинчоччымав’нэн С. Тынанто.
