19.01.2021 08:30:36 (GMT+12)
Ӈывогиӈо лыӄлэӈкин фестивален «Берингия-2021» наяӈвоӈнав’ кымичгин г’ытг’ылг’атгиӈа «Дюлин» то ячвыӈчатгиӈа меӈин наколӈыӈвоӈын пролог. Ыннею ячвыӈо ягалалаӈ спортакен ванык В. Фатьяновын. 21 чиӄъивив’йиг’илгык г’ытг’ылг’атгиӈык «Дюлин» яячвыӈчаллаӈ кымиӈу маӈэныйикыӈ келлаӈ 7-17 гэвэгиӈо, то 22 чыӄъивив’ яӈвоӈ ӈывогиӈын ячвыӈчатылг’эн г’ытг’ылг’ин «Берингия- 2021».
«В’утин гивик ячвыӈчатгиӈын наяӈвоӈын тойчыг’ычг’энаӈ, г’ытг’ылг’у ӄыйим ныячвыӈчанав’ омакаӈ спортсменыйик. Г’ытг’ылг’у янотыӈ яӈволаӈ лэккы то яӈъя яячвыӈчаллайке. Пылиткома ячвыӈчатгиӈо еллайкэ номерав’ ячвыӈчатылг’эн Эссо- Оссоран. Ӈывома ячвыӈчатгиӈын в’алэлӈылг’а то ямкичилг’а нэенитэӈын музей «Берингия», еллайкэ имы миӈкые валг’о этгиӈо. Нэӈиньмыӄин ваны накончоччымав’ӈын «Берингия- гэтама гынончыкоӈӄо». Ангытыткома ягалаӈ аӈаӈъягиӈын «Берингия- гымнин аӈг’алгиӈын», опта йитыӈ ячвыӈчатгиӈын митг’аэльг’ачгэн «Мисс Берингиякен-2021». Плиткома ангыт накончоччымав’ӈын митг’айин то нытӄэльгыяӄэн пеклаткогиӈын»,- эвыӈ инэллэчг’ын спортакен регионык К. Хмелевский.
Эчгыпо йинчоччымав’нэн С. Тынанто.
«В’утин гивик ячвыӈчатгиӈын наяӈвоӈын тойчыг’ычг’энаӈ, г’ытг’ылг’у ӄыйим ныячвыӈчанав’ омакаӈ спортсменыйик. Г’ытг’ылг’у янотыӈ яӈволаӈ лэккы то яӈъя яячвыӈчаллайке. Пылиткома ячвыӈчатгиӈо еллайкэ номерав’ ячвыӈчатылг’эн Эссо- Оссоран. Ӈывома ячвыӈчатгиӈын в’алэлӈылг’а то ямкичилг’а нэенитэӈын музей «Берингия», еллайкэ имы миӈкые валг’о этгиӈо. Нэӈиньмыӄин ваны накончоччымав’ӈын «Берингия- гэтама гынончыкоӈӄо». Ангытыткома ягалаӈ аӈаӈъягиӈын «Берингия- гымнин аӈг’алгиӈын», опта йитыӈ ячвыӈчатгиӈын митг’аэльг’ачгэн «Мисс Берингиякен-2021». Плиткома ангыт накончоччымав’ӈын митг’айин то нытӄэльгыяӄэн пеклаткогиӈын»,- эвыӈ инэллэчг’ын спортакен регионык К. Хмелевский.
Эчгыпо йинчоччымав’нэн С. Тынанто.
