Эчгыпо Камчаткакенав’ чав’чываеличг’энаӈ 15.01.2021 г.

15.01.2021 08:44:08 (GMT+12)

Эчгыпо Камчаткакенав’ чав’чываеличг’энаӈ 15.01.2021 г.
Камчаткак накончоччымав’ӈынав’ калив’ ӈанэн г’уемтэв’илг’ин, меӈию когаймалаӈ, тит ыччу нанг’ытынпонав’ тит атг’ылӈывока аӄачыг’ычгиӈа COVID-19. То опта накотанвэтгыӈӈывоӈын пыӈыл тит калик гайматылг’о ванык «Госуслугав’».

В’отэныӈӄо панэнатвылай региональный инэллэиччетык энанмалав’гиӈэпын. В’отэнг’ылойтыӈ эмет нэтэйкынэв’ прививкав’ 253 г’оямтав’элг’ыйикыӈ, в’утку 183 инэнмэлэвылг’у, 64 вэтатылг’о инэнгыюлэв’ъиччетылв’ынык то 6 в’иннетылг’у. Пылиткома в’уччею вэтатвытгыё этг’у нэетэйкыӈнэв’ прививкав’ 200 г’оямтав’элг’ыйикыӈ то ӄутин вэтатг’ылв’ыёк - 600.

Чыӄъг’ивив’ йиг’илгык Камчаткайтыӈ нэкуг’энӈынэв’ вакцинав’ тит тэйкык прививкав’ 16 тысячав’ г’оямтав’элг’ыйикыӈ. Кев’лаӈ, янотыӈ наяӈвоӈнав’ прививкатык г’уемтэв’илг’у, тывылг’о вэтатъиччетэ, меӈию накалинав’ Инэллэчг’э энанмалав’гиӈэпыӈ РФ, тит ыччу янотыӈ нанг’ыӈвонав’ тынпок вакцината.

«Янотыӈ нэетэйкыӈнэв’ прививкав’ тайкыёлӄылэпыӈ Эналлаэччатыӈӄо энанмалав’гиӈэпыӈ РФ - вэтатылг’ыйкыӈ инэнмэлэв’иччетык то яйгочав’ӈыиччетылв’ынык, социальный в’эннятгиӈэпыӈ то МФЦ, г’уемтэв’илг’у юнэтылг’у иччетык социальный в’эннятгиӈэпыӈ, г’уемтэв’илг’у, меӈинычгин котвалаӈ ӄонпыӈ валг’о тыг’ылгиӈо. Ӈыеӄэв’кино наяӈвоӈнав’ прививкатык- вэтатылг’о транспортак то аякальг’атгиӈык, вэтатылг’о йильпыквылг’о, вэтатылг’о государственный вийиӈычг’у чининкинэв’ нутэв’,вэтатылг’о социальный иччетылв’ынык то в’иннетылг’у. Ыччу опта эмэлкэ нанг’ыкалийкынав’ тэйкык вакцинациян»,- панэнатвэ инингив’ инэллэчг’ин энанмалав’гиӈэпыӈ крайик М. Волкова.

Ӈыёӄав’кенав’ кытаван тынпок вакцината келлаӈ государственный, муниципальный вэтатылг’о, ейгучев’ӈылг’у профессиональный иччетык, маӈэныйикыӈ келлаӈ мыкыӈ 18 гэвэгиӈо, меӈию яӈволайкэ ӄытык армияйтыӈ.

*

Туйгивикинэк паӈав’ъейгиӈык Камчаткакен иччет Ымроссиякен этгиӈэпыӈ #Муюомакаӈ амъел вэтатэ. Ангытъг’ылв’ыёлв’ынык в’иннетылг’э нэтэйкынэв’ 300 йивиту йиллэк мэлэв’кинэв’ инэльпинӈу тыг’ыллыг’ыйикыӈ аӄачыг’ычгиӈа COVID-19, меӈию яяк комалав’лаӈ, то опта нэв’инненэв’ пичгэ пыкав’ъюнэтылг’у яйичг’о.

Эчгыпо йинчоччымав’нэн С. Тынанто.

Делитесь новостями Камчатки
в социальных сетях: