03.06.2022 12:40:06 (GMT+12)
![Палана, 1 г’ылв’ыйик ӈывома алайиг’илгын](/upload/iblock/df7/z315iesrw2r38r3eaxwm3uhhqwiec2fb.jpg)
Виткукинэк алайиг’илгык юнэтылг’э округкэн гынун нанг’ангытытковын Ымваятэн г’ылв’ий вийиӈык кымиӈу. Тыттэль нымэлӄин итти ӈайӈынон , эчгычыко то номг’ав’, ныкычвиӄин то нэӈиньмыӄин!
Умэкэтылг’у ванык Ленинын поздравиннин инэллэчг’э в’уйвык Палана И. О. Щербаковынак. «Номӄэнав’ в’аняво тыкотвыӈнав’, тит кытыл меки этг’ылкэ, нымэлг’эв’ гатваӈвота, тит ӄонпыӈ кымиӈу метг’аӈ нанг’ычаӈмикчиӈыкэнав’ ынпычг’э, нымэлӄинэв’ томгылг’атгиӈо! Увикив’ гаяйтаӈа, то ымоӈ тойкыӈ мыяйгиӈо!»,- эвыӈ Игорь Олегович.
Вэтатылг’а МЦКД «Атмосфера» нанчоччымав’нав’ амалваӈ валг’о уйичвэто. Нэӈиньмыэв’ галай этгиӈын «ӄэнаей алаал», ячвыӈчалай рисоватык, галай ныкычвиӄин эстафетан, то кычвэльг’алай оечванма «ӄонпыӈ начачгатэкынав’ кымиӈу». Ымоӈ кымиӈу нымэлг’эв’ оечвалай, кычвэльг’алай. ӄучев’ эллай энанметытватгиӈык, меӈин галай Чав’чывагынунык ваятэн творчествак.
Тыттель метг’аӈ мылавэ мылав’ъиччет «Ангыт».
Ымыӈ ангытытколг’а ӈаӈъян ныкычвиӄин г’ылв’ий. Юлэӄ ӄыйим ынынтыгэватын нэӈиньмыӄин ангыт кымиӈычгин.
В’уткекьйит панэнатвылай эначгыпавылг’о эналлаэччатыӈӄо в’уйвык Палана.
Эняннимэв’нэн С. Тынанто
Умэкэтылг’у ванык Ленинын поздравиннин инэллэчг’э в’уйвык Палана И. О. Щербаковынак. «Номӄэнав’ в’аняво тыкотвыӈнав’, тит кытыл меки этг’ылкэ, нымэлг’эв’ гатваӈвота, тит ӄонпыӈ кымиӈу метг’аӈ нанг’ычаӈмикчиӈыкэнав’ ынпычг’э, нымэлӄинэв’ томгылг’атгиӈо! Увикив’ гаяйтаӈа, то ымоӈ тойкыӈ мыяйгиӈо!»,- эвыӈ Игорь Олегович.
Вэтатылг’а МЦКД «Атмосфера» нанчоччымав’нав’ амалваӈ валг’о уйичвэто. Нэӈиньмыэв’ галай этгиӈын «ӄэнаей алаал», ячвыӈчалай рисоватык, галай ныкычвиӄин эстафетан, то кычвэльг’алай оечванма «ӄонпыӈ начачгатэкынав’ кымиӈу». Ымоӈ кымиӈу нымэлг’эв’ оечвалай, кычвэльг’алай. ӄучев’ эллай энанметытватгиӈык, меӈин галай Чав’чывагынунык ваятэн творчествак.
Тыттель метг’аӈ мылавэ мылав’ъиччет «Ангыт».
Ымыӈ ангытытколг’а ӈаӈъян ныкычвиӄин г’ылв’ий. Юлэӄ ӄыйим ынынтыгэватын нэӈиньмыӄин ангыт кымиӈычгин.
В’уткекьйит панэнатвылай эначгыпавылг’о эналлаэччатыӈӄо в’уйвык Палана.
Эняннимэв’нэн С. Тынанто