15.02.2021 08:35:50 (GMT+12)
9 чиӄъивив’ йиг’илгык ныг’аллай 55 гэвэгиӈо митычг’ин мылавык, аӈаӈъяк, янот итылг’ин Корякский мылавъиччетык «Мэнго», инанмитытватычг’ин мылавык Гынунык кымиӈычгин то тойваятэн «Калэякенав’ гэвэгиӈо» С. Р. Кутынкававынаӈ.
Этог’ылв’ыйикъет ынно поздравиннин инэллэчг’э в’уйвык Палана О. Мохирева:
«Еппы тойг’оячеко вама ӈывой мылавык, выг’аёк тыттэль митытвати йичилг’ык вэтгиӈык. Янг’ав’ лиги кулӈыӈнин чининваятэнав’ мылаво, то нывэтатӄэн. В’отэныӈӄо ынно лиги нэкулӈыӈын то эӈг’элу юнэттумгэ то вэтаттомга.
Эчги амъел ынно ковэтатын ‘- кунмитытванӈынэн кымиӈу то туйчыг’у мылавык, лиги лыӈык айгытӄываятэн мылав’гиӈо. Мылав’ъиччет «Калэякенав’ гэвэгиӈо» китыӈ янотычг’о мылав’ъиччетылв’ынык, меӈию котвалаӈ Камчаткак то лиги нэкулӈыӈын ӄутин нутэк.
Инэллэиччетэ в’уйвык Палана накопоздравинӈын нымэлӄин лыӈылг’ын артистано, инэнгыюлэвылг’у то митг’айин г’уемтэв’илг’ын Этог’ылв’ыйикъет! Мыткев’лаӈ Тойкыӈ, Сергей Рудольфович,ныкытгэмг’ав’ гэнӈывота, мыяйгиӈо, то нытуйӄинэв’ вэтатъакметгиӈо!».
Эняннимэв’нэн С. Тынанто.
Этог’ылв’ыйикъет ынно поздравиннин инэллэчг’э в’уйвык Палана О. Мохирева:
«Еппы тойг’оячеко вама ӈывой мылавык, выг’аёк тыттэль митытвати йичилг’ык вэтгиӈык. Янг’ав’ лиги кулӈыӈнин чининваятэнав’ мылаво, то нывэтатӄэн. В’отэныӈӄо ынно лиги нэкулӈыӈын то эӈг’элу юнэттумгэ то вэтаттомга.
Эчги амъел ынно ковэтатын ‘- кунмитытванӈынэн кымиӈу то туйчыг’у мылавык, лиги лыӈык айгытӄываятэн мылав’гиӈо. Мылав’ъиччет «Калэякенав’ гэвэгиӈо» китыӈ янотычг’о мылав’ъиччетылв’ынык, меӈию котвалаӈ Камчаткак то лиги нэкулӈыӈын ӄутин нутэк.
Инэллэиччетэ в’уйвык Палана накопоздравинӈын нымэлӄин лыӈылг’ын артистано, инэнгыюлэвылг’у то митг’айин г’уемтэв’илг’ын Этог’ылв’ыйикъет! Мыткев’лаӈ Тойкыӈ, Сергей Рудольфович,ныкытгэмг’ав’ гэнӈывота, мыяйгиӈо, то нытуйӄинэв’ вэтатъакметгиӈо!».
Эняннимэв’нэн С. Тынанто.
