09.02.2021 08:42:15 (GMT+12)
Ыннэн каликал, миӈки ятвалайкэ айгытӄываято, наконтоӈвав’ӈын Федеральный агентствата гамгаваятыкъет, в’утку чинин айгыӄылг’а накокалэӈвоӈнав’ заявленияв’ , инэллэиччэтэ гамгав’ойвыӈӄо, то яйичг’ыиччетэ.
«Айгытӄылг’у- льгиюнэтылг’у Камчатский крайик. Ийкыӈ кенӈыволаӈ яӈъя валг’о в’эннятгиӈо ымыӈ социальный пылв’ынтыв’эннятгиӈо. Тит ийкыӈ ӄонпыӈ ныг’итикынэв’ ыччу, накончоччымав’ӈын ыннин федеральный реестр: ӈэвэӄ йиннийик ӈакые документав’ наяӈвоӈнав’ йилык в’эннятгиӈо то социальный пылв’ынтыв’эннятгиӈо»,- панэнатвэ инэллэчг’ын иччетык пыӈлойпыӈ айгытӄыкъет, миӈки накогэтаӈвоӈнав’ пыӈлов’ тойваяткенав’, эначгыпав’политикакенав’ крайик Э. Лысянская.
Тит нанг’ыкалинав’ айгытӄылг’у реестрак, эмэлкэ йиннийк документав’ ФАДН Россиякен. Миӈкые валг’о документав’ юмэкэвык, гакалилин каличитванык ФАДН Россиякен ванык «Айӈавыткогиӈо г’уемтэв’илг’ин» «Государственные услуги» ( fadn.gov.ru/reception/questionse ).
Государственный услуган тит лиги лыӈык тэг’и янг’ав’ айгытӄываято эмэлкэ экмитык, ӈэвэӄ йиннийик заявленияв’ омакаӈ документак почтаӈӄо: 121069, г. Москва, Трубниковский переулок, д.19
«Эчги, тит йимийкувык акметиӈо государственный услугакенав’ накончоччымав’ӈыӈ вэтатылг’а ФАДН этгиӈо, тит йиннийк документав’ многофункциональный гыноныӈӄо, миӈки накойилӈывоӈнав’ государственный то муниципальный услугав’»,-эвыӈ Э. Лысянская.
Энанъеёлав’гиӈо миӈкые калик заявленияв, то йинчоччымавык документав’, тит нанг’ыкалинав’ айгытӄылг’у ыннэникэ, мыев’ ыччу келлаӈ айгытӄываято РФ, котвалаӈ официальный сайтык (fadn.gov.ru) ФАДН Россиякен ванык «Айӈавыткогиӈо г’уемтэв’илг’ин»/Государственный услугав’».
То опта ымыӈ ыннею этгиӈо айгытӄываятыкъет котвалаӈ каличитванык министерствак йиплэпавык гражданский обществан, пыӈлов’ тойваятыкъет то эначгыпав’ъэтгиӈыкъет крайик разделык «Эчгыпо айгытӄываятыӈ».
Имы яӄ пыӈлойпыӈ айгытӄываятыкъет гатвыӈвота эналлаэччатыӈ крайик, миӈки накогэтаӈвоӈнав’ этгиӈо айгытӄываятэн телефонэпыӈ 8 (4152) 42-11-04; 42-15-20.
Эняннимэвылг’ын С. Тынанто.
«Айгытӄылг’у- льгиюнэтылг’у Камчатский крайик. Ийкыӈ кенӈыволаӈ яӈъя валг’о в’эннятгиӈо ымыӈ социальный пылв’ынтыв’эннятгиӈо. Тит ийкыӈ ӄонпыӈ ныг’итикынэв’ ыччу, накончоччымав’ӈын ыннин федеральный реестр: ӈэвэӄ йиннийик ӈакые документав’ наяӈвоӈнав’ йилык в’эннятгиӈо то социальный пылв’ынтыв’эннятгиӈо»,- панэнатвэ инэллэчг’ын иччетык пыӈлойпыӈ айгытӄыкъет, миӈки накогэтаӈвоӈнав’ пыӈлов’ тойваяткенав’, эначгыпав’политикакенав’ крайик Э. Лысянская.
Тит нанг’ыкалинав’ айгытӄылг’у реестрак, эмэлкэ йиннийк документав’ ФАДН Россиякен. Миӈкые валг’о документав’ юмэкэвык, гакалилин каличитванык ФАДН Россиякен ванык «Айӈавыткогиӈо г’уемтэв’илг’ин» «Государственные услуги» ( fadn.gov.ru/reception/questionse ).
Государственный услуган тит лиги лыӈык тэг’и янг’ав’ айгытӄываято эмэлкэ экмитык, ӈэвэӄ йиннийик заявленияв’ омакаӈ документак почтаӈӄо: 121069, г. Москва, Трубниковский переулок, д.19
«Эчги, тит йимийкувык акметиӈо государственный услугакенав’ накончоччымав’ӈыӈ вэтатылг’а ФАДН этгиӈо, тит йиннийк документав’ многофункциональный гыноныӈӄо, миӈки накойилӈывоӈнав’ государственный то муниципальный услугав’»,-эвыӈ Э. Лысянская.
Энанъеёлав’гиӈо миӈкые калик заявленияв, то йинчоччымавык документав’, тит нанг’ыкалинав’ айгытӄылг’у ыннэникэ, мыев’ ыччу келлаӈ айгытӄываято РФ, котвалаӈ официальный сайтык (fadn.gov.ru) ФАДН Россиякен ванык «Айӈавыткогиӈо г’уемтэв’илг’ин»/Государственный услугав’».
То опта ымыӈ ыннею этгиӈо айгытӄываятыкъет котвалаӈ каличитванык министерствак йиплэпавык гражданский обществан, пыӈлов’ тойваятыкъет то эначгыпав’ъэтгиӈыкъет крайик разделык «Эчгыпо айгытӄываятыӈ».
Имы яӄ пыӈлойпыӈ айгытӄываятыкъет гатвыӈвота эналлаэччатыӈ крайик, миӈки накогэтаӈвоӈнав’ этгиӈо айгытӄываятэн телефонэпыӈ 8 (4152) 42-11-04; 42-15-20.
Эняннимэвылг’ын С. Тынанто.
