03.11.2020 08:43:58 (GMT+12)
Ангытыткогиӈын этог’ылв’ыйен Корякский округкен ягалалаӈ 10 яяв’очг’ыйиг’илгык. В. Солодов комычв’ынатыӈ, ӈэвэӄ ягалаӈ аӄачыг’ычгиӈын ангыт ягалаӈ паненячг’энан.
Пыче итылг’ын инэллэчг’у инэллэиччетык Корякский округык В. Падерин эвыӈ, чоччымав’ма ангытыткойтыӈ нэтэйкын тайкыён.
«Пылв’ынта меӈию эллай нэтэйкынэв’ имы миӈкые валг’о митг’алӄылу, меӈию нэннийнэв’ гамга муниципальный эччатыӈ Корякский округык. Гантоӈвав’лэн каликал, миӈки гатвылэнав’ этгиӈо Корякский округэн. Опта нэтэйкынэв’ медалё то гыйив’ӄэву «Малвэтгиӈыкъет йиплэпавык Корякский округ»»,-эвыӈ В. Падерин.
В. Солодов эвыӈ амъел ыннин гыйив’ӄэв’ енг’элыӈ государственный ойпакмето Камчатский крайик.
10 яяв’очг’ыйиг’илгык, ӈэвэӄ ӄыйим нитикики аӄачыг’ычгиӈын ,Паланык, районный гынунык, гамга в’уйвык ягалалаӈ ангытыткогиӈо. Омакальг’анма наянойпакменӈынав’ юнэтылг’у округык, меӈию гымаллай йиплэпавык ымыӈ ею округык. Ягалалаӈ нэӈиньмыӄинэв’ энангыеватгиӈо, концертав’, то пылиткома йитыӈ ангытпекляткогиӈын.
Йитг’атвылӈыма В. Солодов эвыӈ, эмэлкэ тэйкык омакальг’атгиӈын инэллэчг’ын муниципальный иччетэтин Корякский округык, меӈин йитыӈ яйнама 90 гэвэгиӈын Корякский округкен. Ӈэвэӄ ымыӈ йинны йитыӈ нымэлг’эв’ , ягалаӈ округкен гынунык Паланык. Инэллэчг’ын крайик эвыӈ, ӄутин гивик алак опта амъел нэнг’ытилинэв’ ангытыткогиӈо 90 гэвэгиӈо титэ гантоӈвав’лэн округ.
«Ӈэвэӄ ягалаӈ аӄачыг’ычгиӈын, опта нэнг’ытэйкынэв’ найӈынокенав’ ангытыткогиӈо. Эчги йинчоччымавык ымыӈ ею, тит метг’аӈ напеяйкынав’ явытгыё ангытыткома. Тит ямкылг’у то юнэтылг’у нэйиг’этикынэв’»,- эвыӈ В. Солодов.
Эчгыпо йинчоччымав’нэн С. Тынанто.
Пыче итылг’ын инэллэчг’у инэллэиччетык Корякский округык В. Падерин эвыӈ, чоччымав’ма ангытыткойтыӈ нэтэйкын тайкыён.
«Пылв’ынта меӈию эллай нэтэйкынэв’ имы миӈкые валг’о митг’алӄылу, меӈию нэннийнэв’ гамга муниципальный эччатыӈ Корякский округык. Гантоӈвав’лэн каликал, миӈки гатвылэнав’ этгиӈо Корякский округэн. Опта нэтэйкынэв’ медалё то гыйив’ӄэву «Малвэтгиӈыкъет йиплэпавык Корякский округ»»,-эвыӈ В. Падерин.
В. Солодов эвыӈ амъел ыннин гыйив’ӄэв’ енг’элыӈ государственный ойпакмето Камчатский крайик.
10 яяв’очг’ыйиг’илгык, ӈэвэӄ ӄыйим нитикики аӄачыг’ычгиӈын ,Паланык, районный гынунык, гамга в’уйвык ягалалаӈ ангытыткогиӈо. Омакальг’анма наянойпакменӈынав’ юнэтылг’у округык, меӈию гымаллай йиплэпавык ымыӈ ею округык. Ягалалаӈ нэӈиньмыӄинэв’ энангыеватгиӈо, концертав’, то пылиткома йитыӈ ангытпекляткогиӈын.
Йитг’атвылӈыма В. Солодов эвыӈ, эмэлкэ тэйкык омакальг’атгиӈын инэллэчг’ын муниципальный иччетэтин Корякский округык, меӈин йитыӈ яйнама 90 гэвэгиӈын Корякский округкен. Ӈэвэӄ ымыӈ йинны йитыӈ нымэлг’эв’ , ягалаӈ округкен гынунык Паланык. Инэллэчг’ын крайик эвыӈ, ӄутин гивик алак опта амъел нэнг’ытилинэв’ ангытыткогиӈо 90 гэвэгиӈо титэ гантоӈвав’лэн округ.
«Ӈэвэӄ ягалаӈ аӄачыг’ычгиӈын, опта нэнг’ытэйкынэв’ найӈынокенав’ ангытыткогиӈо. Эчги йинчоччымавык ымыӈ ею, тит метг’аӈ напеяйкынав’ явытгыё ангытыткома. Тит ямкылг’у то юнэтылг’у нэйиг’этикынэв’»,- эвыӈ В. Солодов.
Эчгыпо йинчоччымав’нэн С. Тынанто.
