В. Солодов эвыӈ тит нэг’уевын нытуйӄин ойпакмет «Майӈывэтгиӈыкъет йиплэпавык Корякский округ»

02.11.2020 09:18:32 (GMT+12)

В. Солодов эвыӈ тит нэг’уевын нытуйӄин ойпакмет «Майӈывэтгиӈыкъет йиплэпавык Корякский округ»
Титэ инэллэчг’у лайвылай округкен гынунык Палана, инэллэчг’ын крайик В. Солодов эвыӈ, эчги китыӈ ойпакмет «Майӈывэтгиӈыкъет Камчатский крайик, то опта нэг’уевын ынниг’ан валг’ын Корякский округык, ӈанэныйикыӈ, мекив’ котгымалаӈ в’иннетык йингычголавык ёнатгиӈо Корякский округык.

«Тит ымыӈ микнэк лиги нэнг’ылӈикынэв’ гыматылг’о вэтатык г’уемтэв’илг’у йиплэпавык Корякский округ, опта тэӄын «Малвэтгиӈыкъет Камчатский крайик» нэг’уевын нытуйӄин ойпакмет «Майӈывэтгиӈыкъет йиплэпавык Корякский округ»,-эвыӈ В. Солодов

В’аняванма В.Солодов эвыӈ, йингычголавык ёнатгиӈо Корякский округык, келлан яноткенав’ чаткаёӈгиӈо инэллэчг’ин крайик. Йинтоӈвав’гиӈын нытуйӄин ойпакмет йитики, тит ӄонпыӈ лиги лыӈык ӈаеё, мекив’ нытгымг’ав’ ковэталаӈ йиплэпавык ымыӈ ею Корякский округык.

Инэллэчг’э крайик йинтоӈвав’нэн нытуйӄинэв’ вэтгиӈо инэллэиччетин крайик. Лайвыма нэетэйкикынэв’ омакальг’атгиӈо гамга районык Корякский округык. Яноткен йитг’атвылӈыгиӈын галай гынунык Корякский округык в’уйвык Палана.

Эчгыпо йинчоччымав’нэн С. Тынанто.

Делитесь новостями Камчатки
в социальных сетях: