01.11.2020 08:58:32 (GMT+12)
Ӈыччэӄ 12 пыкъялг’ыт яят айгытӄыӈӄал Корякский округык таяӈылг’а нантыванат льгиинг’э. Начванав’ ӈыёӄ йиг’илгу тит пылиткук тэйкык яят. Ымыӈ ягэӈкы наныплэпав’нав’ имы ею, то елкучыку опта нэтэйкынэв’ ремонтакенав’ вэтгиӈо. То инэнв’ӈэткинэӈу ялгытылг’ыйикыӈ тойяяйтыӈ йилнин инэллэчг’э Камчаткак В. Солодовынак.
«Эчги мытлыг’олан, эмэлкэ инг’э пылиткук йинтыватык ынниг’ан валг’о яяв’. Ыннею келлаӈ в’эннятгиӈо тит мальӈынвыӄ нэг’уевикынэв’ нытуйӄинэв’ яяв’. Ынниг’ан валг’о тайкыёв’ эчги мыччантыватэкынав’. Тит мэлинг’э петыяяӈӄо йиннялгытавык юнэтылг’у айгытӄыӈӄал. Эчги мыччаӈволаӈ вэтатык тит ынниг’ан йинтыватык калэякен- кыннятав’кэн ваны в’утин в’уйвык. Ынниг’ан валг’о яяв’ келлаӈ гынуну в’уйвыкинэв’ йингыйивэтык нымэлӄин ёнатгиӈыӈ»,- эвыӈ В. Солодов.
Таяӈгиӈо В’эемлэк эллай такыёлӄылэпыӈ «Йиннялгытавык петыяяӈӄо, тит ныплэпӄэнав’ яялг’атгиӈо ныг’итикынэв’». Янот муниципальный контрактаӈӄо нэкуплиткуӈнэв’ таяӈгиӈо 15.12.2021 г. Таяӈылг’о гымаллай инг’э йинтыватык яят.
Тойяяйтыӈ ялгылай вэтатылг’о социальный в’эннятгиӈэпыӈ, г’уэтылг’у ялгытык петыяяӈӄо. Нытуйӄин яяӈа нэйилын С. Ягановынаӈ то А. Юлтыгинвнаӈ. Янот ыччу гакмиӈа ёналлай эньпичийик.
«Мую унмык мыег’алай, мыев’ мытъялгыла тойяяйтыӈ . Гымкыӈ янот нэкуйилӈын яяӈа мыев’ тыкитыӈ тойспециалистано. Мыткев’лаӈ юлеӄ мыччог’алаӈ. Инг’э мытъялгыла»,- эвыӈ С. Яганова.
Ӄылавол эвыӈ ымыӈ пылэпгиӈо елькучыку, ӄыйим маймэкэ то печин муйийки.
Ӈывома вэтатык тайкыён «Йиплэпавык яялг’атгиӈо юнэтылг’ин Корякский округык» нантыванав’ 10 яяв’ 86 пыкъялг’о ымыӈ келлаӈ 5 тысячав’ кв м. Нытуйӄинэв’ яяв’ г’ояв’лай Тэличчак, Тымлатык, Кольпачык, Седанкак, Эчг’эйик, В’ив’нык, Ӄайильг’инык, Аяӈкик, Ковранык. Кытэплёйиг’илгык нэеплиткуӈын тойяяӈа Апигик Пенжинский районык Корякский округык.
Эчгыпо йинчоччымав’нэн С. Тынанто.
«Эчги мытлыг’олан, эмэлкэ инг’э пылиткук йинтыватык ынниг’ан валг’о яяв’. Ыннею келлаӈ в’эннятгиӈо тит мальӈынвыӄ нэг’уевикынэв’ нытуйӄинэв’ яяв’. Ынниг’ан валг’о тайкыёв’ эчги мыччантыватэкынав’. Тит мэлинг’э петыяяӈӄо йиннялгытавык юнэтылг’у айгытӄыӈӄал. Эчги мыччаӈволаӈ вэтатык тит ынниг’ан йинтыватык калэякен- кыннятав’кэн ваны в’утин в’уйвык. Ынниг’ан валг’о яяв’ келлаӈ гынуну в’уйвыкинэв’ йингыйивэтык нымэлӄин ёнатгиӈыӈ»,- эвыӈ В. Солодов.
Таяӈгиӈо В’эемлэк эллай такыёлӄылэпыӈ «Йиннялгытавык петыяяӈӄо, тит ныплэпӄэнав’ яялг’атгиӈо ныг’итикынэв’». Янот муниципальный контрактаӈӄо нэкуплиткуӈнэв’ таяӈгиӈо 15.12.2021 г. Таяӈылг’о гымаллай инг’э йинтыватык яят.
Тойяяйтыӈ ялгылай вэтатылг’о социальный в’эннятгиӈэпыӈ, г’уэтылг’у ялгытык петыяяӈӄо. Нытуйӄин яяӈа нэйилын С. Ягановынаӈ то А. Юлтыгинвнаӈ. Янот ыччу гакмиӈа ёналлай эньпичийик.
«Мую унмык мыег’алай, мыев’ мытъялгыла тойяяйтыӈ . Гымкыӈ янот нэкуйилӈын яяӈа мыев’ тыкитыӈ тойспециалистано. Мыткев’лаӈ юлеӄ мыччог’алаӈ. Инг’э мытъялгыла»,- эвыӈ С. Яганова.
Ӄылавол эвыӈ ымыӈ пылэпгиӈо елькучыку, ӄыйим маймэкэ то печин муйийки.
Ӈывома вэтатык тайкыён «Йиплэпавык яялг’атгиӈо юнэтылг’ин Корякский округык» нантыванав’ 10 яяв’ 86 пыкъялг’о ымыӈ келлаӈ 5 тысячав’ кв м. Нытуйӄинэв’ яяв’ г’ояв’лай Тэличчак, Тымлатык, Кольпачык, Седанкак, Эчг’эйик, В’ив’нык, Ӄайильг’инык, Аяӈкик, Ковранык. Кытэплёйиг’илгык нэеплиткуӈын тойяяӈа Апигик Пенжинский районык Корякский округык.
Эчгыпо йинчоччымав’нэн С. Тынанто.
