Ӄонпыӈ ныкычвиг’эв’ ныг’итикынэв’ кымиӈу!

04.06.2022 10:38:40 (GMT+12)

Ӄонпыӈ ныкычвиг’эв’ ныг’итикынэв’ кымиӈу!

Кымеӈыйикыӈ, меӈию комалав’лаӈ краевой йиччытыг’ыллыг’ычгэн малав’ъяк, етти нынэначачгав’ӄэн клоун Шурик. 40 минутав’ ымоӈ кымиӈа наяванав’ аӈаӈъяк, мылавык то уйичвэтык. Ӈынвычгаё кымиӈу келлаӈ айгытӄыӈӄалыӈӄо Корякский округыӈӄо то юлэӄ коётвалаӈ малав’ъяк.

Пылиткома ангыт тыӈивылг’у ваятэн Т. Романовынак то А. Давыдовынак нэӄэвив’нэв’ нэӈиньмыӄинэв’ каликалу Берингиякъет, лымӈылё айгытӄываятэн то «Яйтаӈылг’о чеччыынну».

«Ынниг’ан валг’о энанъег’ав’гиӈо тыг’ыллыг’ыйикыӈ кымеӈыйикыӈ ӄонпыӈ накотайкыӈвоӈнав’ тыӈивылг’э ваятэн. В’уткекьйит кымиӈу кокычвэӈтоӈволаӈ, то уйӈэ еӄӄым эчетткэюӈкэ тыг’ылгиӈыкъет. Ыннею малъэтгиӈо ӈывонэн Борисынак Николаевичынак Чуевынак. Ынно юлэӄ итти тыӈивылг’у ваятэн Корякский округыӈӄо»,- иви А. Давыдова

В’уткекьйит панэнатвылай эначгыпавылг’о Законодательный Умэкэтык крайик.

Эняннимэв’нэн С. Тынанто

Делитесь новостями Камчатки
в социальных сетях: