Нэплиткунэв’ экмитык калив’ гайматылг’эн ячвыӈчатык г’ытг’ылг’ин «Берингия»

10.02.2021 08:30:58 (GMT+12)

Нэплиткунэв’ экмитык калив’ гайматылг’эн ячвыӈчатык г’ытг’ылг’ин «Берингия»
Мынгыткэн ӈыёӄ г’ытг’ылг’у яӈволаӈ ячвыӈчатык «Берингияк»,меӈин наяӈвоӈын Эссок 28 чыӄъивив’ йиг’илгык.

В’утин гивик яячвыӈчаллаӈ А. Семашкин, Н. Левковский, В. Левковский, А. Холмуродов, В. Демченко, Д. Ичанга, А. Казаков, В. Чуприн, А. Попов, Г. Айначгин, Е. Кутынковав, А. Притчин то Ю. Притчина, ынно витку ат йитыӈ ячвыӈык.

«13 г’уемтэв’илг’у гаймалай ячвыӈчатык, этг’у мыткогэталаӈын 14 г’ытг’ылг’ын, меӈин опта аму ячоччымавыӈ. Ыннин китыӈ М. Шелковин, юнэтылг’ын Карелия. Ынно ячвыӈчатэ 2019 г.,то ныг’эли ӈыеӄэв’кину. Ынняӄ эчги ынин эняччыгиӈын китыӈ йив’лык г’ытг’у то инэӈэю, мыев’ авиаиччетэ кутв’эӈнин еӄӄым ныг’умвилӄинэв’ вэлатгиӈо. Эчги мую мыткочаткаёӈлаӈ, миӈкые в’иннетык, аму мычченаеекынав’ мыкпылв’ынтылг’о в’иннетылг’у, тит кытаван ынно етык ячвыӈчатгиӈыӈ. 13 номерылг’ын ячвыӈчатгиӈык уйӈэ иткэ майӈы «Берингияк». Ӄонпыӈ элэк мыткоччыӈволаӈын»,- эвыӈ инэллэчг’ын «Берингиякен-2021» А. Рудович.

В’утин гивик яячвыӈчаллаӈ ыннанмыллыӈэн янотычг’о галалг’ыгэвэгиӈыкэнав’.

Опта гайматэ ячвыӈчатык А. Попов, ынно китыӈ Усть- Хайрюзовыӈӄо. Ынно итти янотычг’о 2005 гэвэгиӈык. 15 гэвэгиӈо Алексей уйӈэ аячвыӈчатка, в’утин гивик коятав’аӈнэн тилик в’ины, мыев’ ыннин ячвыӈчатгиӈын г’ытг’ылг’ин «Берингия» китыӈ ӈыёӄ мынгытӄав’кэн.

Ячвыӈчатылг’о «Берингияк -2021» эллай янотычг’о: А. Семашкин (2015, 2014,2013,2012 ), Н. Левковский (2009,2008,2001),В. Левковский (2018,2017,2016), В. Демченко (2019),А. Попов(2005) то А. Притчин (2011,2010,2003,2002).

Ячвыӈчатгиӈын г’ытг’ылг’ин «Берингия-2021» ягалаӈ Эссоӈӄо Оссорайтыӈ. Г’ытг’ылг’а нэетилиӈнэв’ 12 чывипту йиг’этэн то ӄымек 950 км в’инин. Накояваӈвоӈнав’ ӄымек 3 неделяв’. Нэеплиткуӈын галак йиг’эт-13 тэнмыталойиг’илгык.

Инсоччымав’нэн С. Тынанто.

Делитесь новостями Камчатки
в социальных сетях: