Эчгыпо Камчаткакенав’ чав’чываеличг’энаӈ 06.02.2021 г.

06.02.2021 09:22:24 (GMT+12)

Эчгыпо Камчаткакенав’ чав’чываеличг’энаӈ 06.02.2021 г.
Чымӄып энанг’отав’гиӈо аӄачыг’ычгиӈыкъет наӈвонав’ пыйик Камчаткак. Инэллэчг’э крайик В. Солодовынак калинин тайкыёлӄыл.

***

Эчги эмэлкэ тэйкыӈ физкультуракенав’ то спортакенав’ этгиӈо елькучыку. Ятан ванык ныг’итикынэв’ 50 г’уемтэв’илг’у, меӈию келлаӈ 50 %.

Ынняӄ ӈайӈынок эмэлкэ спортакен этгиӈык нытвайкынав’ ӄэй тэг’и уйичвэтылг’у то в’алэлӈатылг’о.

14 чыӄъивив’ йиг’илгык гамгарайонык ягалаӈ 39 ымроссиякэн ячвыӈчатгиӈын   тигылг’ин «Тигилг’ыйиг’эт Россиякен». 21-22 чыӄъивив’ еллаӈ кымиӈычгин ячвыӈчатгиӈо г’ытг’ылг’ин «Дюлин» то ӈывогиӈын лэккы «Берингия-2021» ымоӈ ыннею келлаӈ лыкл’эӈкин фестивалик «Берингия».

«Культуракенав’ вано опта паненячг’энаӈ коӈволаӈ вэтатык. Ятан ӄонпыӈ лиги лыӈык энаӈотав’гиӈо тит атг’ылӈывока аӄачыг’ычгиӈа. Кинотеатрак то ӄутин ванык ятан ныг’итикынэв’ 50% явалг’о елкув’. То еӄӄым чеймык овекеӈӄо атвака ныг’итикынэв’ в’алэлӈатылг’о, етылг’у культуракен ванэтыӈ»,-панэнатвылай эналлаэччатыӈӄо культурайпыӈ.

Ӄутин вэтатг’ылв’ыёлв’ынык эмэлкэ кымиӈу ныг’ыӈвонав’ гымлэ ӄытык секцияйтыӈ то ӄутин мэтытватгиӈэтык.

Ымоӈ ав’ъеяв’ опта паненячг’энаӈ коӈволаӈ вэтатык.

Ымоӈ энанг’отав’гиӈо тит амкатка аӄачыг’ычгиӈын COVID-19 амъел еллайкэ 21 г’ылв’ыетыӈ чиӄъивив’ йиг’илгык. В’уткекъйит панэнатвылай эначгыпав’ъэччатыӈӄо губернаторэн то Инэллэиччетин крайик.

Эчгыпо йинчоччымав’нэн С. Тынанто.

Делитесь новостями Камчатки
в социальных сетях: