02.02.2021 08:54:15 (GMT+12)
Паӈав’йийиг’ылв’ыёк Камчаткак г’эӄэчгуӈэви ӈайӈынон. Айгытӄыӈӄал районык меӈию келлаӈ Пенжинский, Олюторский, Карагинский, Алеутский то Тигильский районык унмык г’ылати. Эналлаэччатыӈӄо транспортакен то тайиг’эгиӈэпыӈ эв’лай, пыче эйиӈэльг’эткэ келлаӈ ӈакые.
«Мыев’ эвыччымчыкэ то унмык ког’ылатыӈ то коктэгатыӈ, ӈывома вэтатвытгыёв’ натактыӈнав’ йиг’это меӈӄойиӈ колайвыӈволаӈ имыяӄ машинав’ «РКЗ-66 - Крутоберегово», «Начикинский с/х-Усть-Большерецк- п. Октябрьский галама нывилваны Косово-колхоз им. Октябрьской революции» то Тигиль- Палана,- эвыӈ инэллэчг’ын транспортакен то тайиг’этгиӈэпыӈ В. Каюмов.- В’ыялыкъет, ыннею йиг’это гатактыӈлэнав’ вторникайтыӈ».
*
Унмык в’ыялатэ айгытӄыӈӄал- Пенжинский районык. В’утку унмык эӄэчгуӈэви ӈайӈынон. Унмык кытэгатэ мыкыӈ 30 м секундак то выччыгиӈын итти 10-15 метопа’.
Ымоӈ иччету ганчоччымав’лэнав’ инг’э в’иннетык ӈэвэӄ ею еллайкэ. Калэяв’, кыннятав’ъяв’, ӄымек ымоӈ иччету гатактыӈлэнав’, то вэлиткояв’ опта авэтатка. Аякальг’атгиӈо, омыльг’атгиӈо, мимлыйив’ив’ нымэлг’эв’ келлаӈ,- панэнатвэ инэллэчг’ын Пенжинский районык А. Болотнов- Ымоӈ инэллэчг’э нэкугитэӈнэв’ то накончечг’анӈывоӈнав’ вэтгиӈо имы яӄэпыӈ, тит ӈэвэӄ аӄаэтгиӈо еллайкэ инг’э в’иннетык».
«Опта ымыӈ ею накогэтаӈвоӈнав’ инэллэчг’э Камчатский крайик, ӄонпыӈ мытконв’аняванӈынав’ инэллэчг’у районкэнав’, тит ӈэвэӄ йиг’ояв’лайкэ аӄайпыгиӈо, вэтга в’иннетык»,- иви инингив’ инэллэчг’ин Инэллэиччетык крайик, итылг’ын министрано яӈъя валг’эн тайкыёлӄыло крайик А. Заболиченко.
Эчгыпо йинчоччымав’нэн С. Тынанто.
«Мыев’ эвыччымчыкэ то унмык ког’ылатыӈ то коктэгатыӈ, ӈывома вэтатвытгыёв’ натактыӈнав’ йиг’это меӈӄойиӈ колайвыӈволаӈ имыяӄ машинав’ «РКЗ-66 - Крутоберегово», «Начикинский с/х-Усть-Большерецк- п. Октябрьский галама нывилваны Косово-колхоз им. Октябрьской революции» то Тигиль- Палана,- эвыӈ инэллэчг’ын транспортакен то тайиг’этгиӈэпыӈ В. Каюмов.- В’ыялыкъет, ыннею йиг’это гатактыӈлэнав’ вторникайтыӈ».
*
Унмык в’ыялатэ айгытӄыӈӄал- Пенжинский районык. В’утку унмык эӄэчгуӈэви ӈайӈынон. Унмык кытэгатэ мыкыӈ 30 м секундак то выччыгиӈын итти 10-15 метопа’.
Ымоӈ иччету ганчоччымав’лэнав’ инг’э в’иннетык ӈэвэӄ ею еллайкэ. Калэяв’, кыннятав’ъяв’, ӄымек ымоӈ иччету гатактыӈлэнав’, то вэлиткояв’ опта авэтатка. Аякальг’атгиӈо, омыльг’атгиӈо, мимлыйив’ив’ нымэлг’эв’ келлаӈ,- панэнатвэ инэллэчг’ын Пенжинский районык А. Болотнов- Ымоӈ инэллэчг’э нэкугитэӈнэв’ то накончечг’анӈывоӈнав’ вэтгиӈо имы яӄэпыӈ, тит ӈэвэӄ аӄаэтгиӈо еллайкэ инг’э в’иннетык».
«Опта ымыӈ ею накогэтаӈвоӈнав’ инэллэчг’э Камчатский крайик, ӄонпыӈ мытконв’аняванӈынав’ инэллэчг’у районкэнав’, тит ӈэвэӄ йиг’ояв’лайкэ аӄайпыгиӈо, вэтга в’иннетык»,- иви инингив’ инэллэчг’ин Инэллэиччетык крайик, итылг’ын министрано яӈъя валг’эн тайкыёлӄыло крайик А. Заболиченко.
Эчгыпо йинчоччымав’нэн С. Тынанто.
