28.01.2021 08:12:40 (GMT+12)
Инэллэчг’у «Майӈыиччет йиплэпав’гиӈэпыӈ Камчаткан» нанпыгаг’ын К. Коротков. В’уткекъйит эвыӈ инэллэчг’ын Камчаткакен В. Солодов омакальг’анма инэллэиччетык крайик.
АО «Майӈыиччет энаплэпав’гиӈэпыӈ Камчатский край» енкетгутвэнӈынин омакаӈ валг’о вэтгиӈо Минвостокразвитияк. Ыннею этгиӈо еллайке мыев’ яӈвоӈ в’утку инэллэк К. Коротков.
«Муйик регионык ымыӈ ею котвалаӈ тит амъел омакаӈ Минвостокразвитияк нымэлг’эв’ вэтатык. Тойинэллэчг’ын нымитӄин вэтатык то ынин котвалаӈ чаткаёӈгиӈо миӈкые амъел йингычголавык вэтгиӈо. Ынан лиги кулӈыӈнин миӈкые явак пылв’ынто, то тэйкык экмитылг’у тайкыёлӄыло»,- эвыӈ инэллэчг’ын крайик.
«Майӈыиччет йиплэпав’гиӈэпыӈ Камчатский край»- наколӈыӈвоӈын институто йиплэпав’гиӈэпыӈ, гантоӈвав’лэн инэллэиччетэ крайик, тит ыннэникэ йинчалюмкавык пылв’ынто то в’иннетык иччету, меӈию явэталайкэ йиплэпавык Камчаткан.
*
Тигильский муниципальный иччетык нэкутэйкыӈын эйгиӈын в’аямыӈӄо Тигиль то Напана, в’отэныӈӄо ялайвылайке юнэтылг’у Тигилик то Седанкак.
«5 чиӄъивив’ йиг’элгыӈӄо ыннин эйгиӈын яӈвон вэтатык, в’отэныӈӄо наяӈвоӈнав’ йив’лык нучельӄыкинэв’ вылӄу то ӄуччев’ инэӈэю. В’утин гивик инэллэчг’у районык яӈволаӈ вэтатык йинчоччымавык тэнмытэн, тит гемгэгивик навэтвтэкэ в’уччин эйгиӈын то пылв’ынто нанг’ыявайкынав’ местный бюджетыӈӄо. Эмет эчги ыччу ков’эннянӈыволаӈ»,- эвыӈ С. Лебедев, вэтатылг’ын инэллэиччетык крайик.
В’отэнг’ылойтыӈ вэлиткояк кытвыль котвалаӈ пичгу, яйтаӈгиӈо нучельӄыкин вылӄин ӄыйим ныӄлэнэв’ 85 г’ылвыёв’.
«Гемгэгивикин лыӄлэӈкин йиг’эт нымэлг’эв’ нэнг’ытэйкики, тит лыӄлэӈ Седанкайтыӈ ымыӈ ею нэнг’ыйив’ликынэв’»,-кев’лаӈ инэллечг’у министерствак.
Амъел ыннею вэтгиӈо нэегитэйкынэв’ то нэенчичг’этикынэв’ инэллэчг’э министерствак в’увыкинэв’ эналлагиӈо то йиплэпав’гиӈэпыӈ Корякский округ.
Эчгыпо йинчоччымав’нэн С. Тынанто.
АО «Майӈыиччет энаплэпав’гиӈэпыӈ Камчатский край» енкетгутвэнӈынин омакаӈ валг’о вэтгиӈо Минвостокразвитияк. Ыннею этгиӈо еллайке мыев’ яӈвоӈ в’утку инэллэк К. Коротков.
«Муйик регионык ымыӈ ею котвалаӈ тит амъел омакаӈ Минвостокразвитияк нымэлг’эв’ вэтатык. Тойинэллэчг’ын нымитӄин вэтатык то ынин котвалаӈ чаткаёӈгиӈо миӈкые амъел йингычголавык вэтгиӈо. Ынан лиги кулӈыӈнин миӈкые явак пылв’ынто, то тэйкык экмитылг’у тайкыёлӄыло»,- эвыӈ инэллэчг’ын крайик.
«Майӈыиччет йиплэпав’гиӈэпыӈ Камчатский край»- наколӈыӈвоӈын институто йиплэпав’гиӈэпыӈ, гантоӈвав’лэн инэллэиччетэ крайик, тит ыннэникэ йинчалюмкавык пылв’ынто то в’иннетык иччету, меӈию явэталайкэ йиплэпавык Камчаткан.
*
Тигильский муниципальный иччетык нэкутэйкыӈын эйгиӈын в’аямыӈӄо Тигиль то Напана, в’отэныӈӄо ялайвылайке юнэтылг’у Тигилик то Седанкак.
«5 чиӄъивив’ йиг’элгыӈӄо ыннин эйгиӈын яӈвон вэтатык, в’отэныӈӄо наяӈвоӈнав’ йив’лык нучельӄыкинэв’ вылӄу то ӄуччев’ инэӈэю. В’утин гивик инэллэчг’у районык яӈволаӈ вэтатык йинчоччымавык тэнмытэн, тит гемгэгивик навэтвтэкэ в’уччин эйгиӈын то пылв’ынто нанг’ыявайкынав’ местный бюджетыӈӄо. Эмет эчги ыччу ков’эннянӈыволаӈ»,- эвыӈ С. Лебедев, вэтатылг’ын инэллэиччетык крайик.
В’отэнг’ылойтыӈ вэлиткояк кытвыль котвалаӈ пичгу, яйтаӈгиӈо нучельӄыкин вылӄин ӄыйим ныӄлэнэв’ 85 г’ылвыёв’.
«Гемгэгивикин лыӄлэӈкин йиг’эт нымэлг’эв’ нэнг’ытэйкики, тит лыӄлэӈ Седанкайтыӈ ымыӈ ею нэнг’ыйив’ликынэв’»,-кев’лаӈ инэллечг’у министерствак.
Амъел ыннею вэтгиӈо нэегитэйкынэв’ то нэенчичг’этикынэв’ инэллэчг’э министерствак в’увыкинэв’ эналлагиӈо то йиплэпав’гиӈэпыӈ Корякский округ.
Эчгыпо йинчоччымав’нэн С. Тынанто.
