27.12.2020 07:40:26 (GMT+12)
Инэллэчг’э крайик эначгыпавылг’ыйикыӈ ив’ӈынин яноткэнав’ этгиӈыӈо галалг’ыгивикинэв’.
Инэллэчг’э япанэнатвыӈнэн миӈкые ковэталаӈ тит элэк йиччык аӄачыг’ычгиӈын: миӈкые валг’о этгиӈо келлаӈ лекарствакъет, еӄин ковэталаӈ иччету меӈиныйик накойилӈывоӈнав’ нинг’ыӄинэв’ энанмалав’в’эннятгиӈо, ымыӈ участковый инэнэмэлэвылг’ыкйит, то ӈанэныкъет, меӈию яллай инэнмэлэвылг’у. В’утин панэнатвык ятвыӈнэн вэтгиӈо тайкыёлӄылэпыӈ «Город ёнатынвыӈ» то каличитваныкъет «Камчаткак ымыӈ ею нымэлг’эв’». В. Солодов яв’аняватыӈ таяӈгиӈыкъет, социальный ваныкъет, экологиякъет аӈӄатайнык итылг’у Нунтымӄин аӈӄанаӄо, ятанвэтгыӈнэн пыӈлов’, меӈию пав’чиӈу нэкулӈыӈынэв’ юнэтылг’э Камчаткак.
Панэнатвыгиӈын «Акметгиӈо галалг’ыгивикинэв’ омакаӈ В. Солодовынак» ягалаӈ региональный телеканалык: паӈав’ъйийиг’ылок, 27 яяв’очг’ыйиг’илгык, телеканалык «Россия 24» 17.00, телеканалык «41 Регион» в 9.00, 14.00 то 19.00, каналык «Камчатка 1» 12.00.
То калилг’ын в’аняватгиӈын эмэлкэ гитэк YouTube -каналык ИА «Камчатка».
Йиньнимэв’нэн С. Тынанто.
