12-пыкъялг’ын яяӈа нэплиткун в’уйвык Апигин Пенжинский районык

В’отэныӈӄо эв’лай инэллэчг’у таяӈгиӈэпыӈ то яялг’атгиӈэпыӈ крайик.

Таяӈгиӈо эллай тайкыёлӄылэпыӈ «Тит юнэтылг’ин Корякский округык ныг’итикынэв’ нымэлӄинэв’ яялг’атгиӈо то коммунальный этгиӈо».

«Яяӈа ымыльг’ыӈ нэтэйкын. Ымыӈ елькучыку нымэлг’эв’ нанчоччымав’нав’ ымыӈ ею, нантыванав’ электрический печив’»,- иви А. Дегодьев, инэллэчг’ын таяӈгиӈэпыӈ то яялг’атгиӈэпыӈ регионык.

Опта ягэӈкы нанув’таманнав’ йиг’то, меӈию гинатг’алинав’ цементата, гантывалэнав’ кымиӈычгин уйичвэтвано, ӈайӄыёчго, котваӈ ваны миӈки эмэлкэ наяныпг’авэкынав’ кымитг’ав’ то ӄуччев’. Ӄутин гивик наянтыванӈынав’ умку.

Тойяяйтыӈ наяннялгытанӈынав’ 29 г’уемтэв’илг’у петыяяӈӄо.

12-пыкъялг’ын яяӈа китыӈ явытгыйик нынылг’этылг’ын Северная, яяӈа 10-А.

Таяӈгиӈын итти государственный тайкыёлӄылэпыӈ «Социально-экономикакенав’ йиплэпав’гиӈо Корякский округык, меӈинын келлаӈ яӈъя валг’о катгогиӈо, лыӈылг’ын «особый статус». Ӈывома 2014 гэвэгиӈын Корякский округык гантывалэнав’ 10 яяв’ 86 пыкъялг’о, то 2019 гэвэгиӈык нэтэйкынэв’ 5 мыкпыкъялг’о яяв’ - Эчг’эйик, В’ив’нык, Ӄайильг’инык, Аяӈкик то Ковранык. В’отэныӈӄо в’анявалай эначгыпав’ъэччатыӈӄо губернаторэн то Инэллэиччеткин Камчатский крайик.

Эчгыпо йинчоччымав’нэн С. Тынанто.