Эӈг’элу лыӈылг’ытую, тумгу!

17.12.2020 09:56:49 (GMT+12)

Эӈг’элу лыӈылг’ытую, тумгу!

Эчги нымыткыванык Россияк мыконъангытытков’лаӈын нымитг’аӄин Г’ылв’ый -90 гэвэгиӈо Корякский округэн. Мую мыткоёналлаӈ титэ уйӈэ еӄым ею нымийкуӄинэв’ атвака, то г’уемтэв’илг’у юнэтылг’у Айгытӄыӈӄал накончечг’анӈывоӈнав’ миӈкые ыччу нулвылг’атӄинав’, метке нымэлӄинэв’, метке йикылиӈлиӈылг’у.

Титэ ӈыволай итык рыночный этгиӈо, ынан ниччиг’эв’ ӈыволай еюнэнӈык айгытӄылг’у - мыев’ уйӈэ ныг’аллай государственный в’эннятгиӈо, актыка ӈывок экономикакен этгиӈык вэтгиӈа чененваяткечг’энаӈ.

То эв’ынчам айгытӄываята нэтилин ниччыӄин в’ины, то нымэлг’эв’ накогетаӈвоӈнав’ инэллэчг’у. Государствата еёло нэнг’ылӈикынэв’ в’эннятгиӈо айгытӄываятэн яйтаӈык нучельӄыкинэв’ то умкылв’ынин пыттоӈо, мыев’ в’ача амамъйиг’алёӈ накакменӈывоӈнав’. Айгытӄылг’у кочаткаёӈӈыволаӈ тит опта напаёчаннав’ пыттоӈо кулин ёнатылг’ыйикыӈ Россияк.

Мую мыткомычв’ыналлаӈ, Российский Федерацията нытгипг’ав’ нэетэйкикынэв’ вэтгиӈо, тит айгытӄываятэн ныг’итикынэв’ катгогиӈо то чининкинэв’ чаткаёӈгиӈо миӈкые юнэтык. Эв’ынчам нымэйиӈг’эв’ натанвэтгиӈыкынав’ чинин айгытӄываято, тит йиплэпавык ёнатгиӈо чининнутэкинэв’.

В’утин г’ылок метг’аӈ мыткокетог’ыӈнав’ омакаӈ валг’о вэтгиӈо аньӈыта. Ыннею гэвэгиӈо тыттель нымэлӄинэв’ эллай, мыев’ мытытгымалла йингычголавык ёнатгиӈо. Мую мыткомычв’ыналлаӈ, яплэпав’лаӈ ымыӈ ею округык, кытыл этг’ылкэ то малъёнатгиӈо.

Ангытыткома накотайкыӈвоӈнав’ ӄавеёв’. Мочгынан лиги мытколӈылаӈын мальвыг’аёк гымлэ яӈвоӈ вэтатык Корякский калэян искусствакэн нынылг’этылг’ын Д. Кобалевский, в’уткекьйит мойикъяйичг’ыӈӄо мытынчоччымав’лан ӄавэёчгын. Мочгынан мытков’аӈлаӈнав’ вэтатылг’о в’утку экмитык мучгин ӄавеён 90 гэвэгиӈыкъет Корякский округ. Ынин ег’атгиӈын ӄавэён китын мынга тэйкылг’ын Чехияк скрипкантэӄын «Страдивари»

Аӄачыг’ычгиӈыкъет актыка мынъямкечела. В’отэныӈӄо актыка чинин мыннилан ӄаеён, мыткев’лаӈ аму выг’аёк йинний еетык калэяйтыӈ искусствакэн.

Эӈг’элу лыӈма,

Зверев В. Д.,
1 секретарь окружкомык КПСС 1973- 1982гг, Эӈг’элу лыӈылг’ын юнэтылг’ын КАО, Камчатский крайик, йинойпакмевылг’ын ӈыечеӈ ордената Трудовой Красного Знамени.

Суворов А. С.,
инэллэчг’ын Думак КАО, итылг’ын Советык Федерацияк РФ 1996, 2001-2008 г.

Делитесь новостями Камчатки
в социальных сетях: