Поздравлениян Иринанын Яровая

Эӈг’элу лыӈылг’ытую юнэттумгу! Нымэйиӈг’эв’ тыкопоздравляллаӈтык этог’ылв’ыйикъет Корякский округ!

90 гэвэгиӈо - энанчечг’атгиӈо,миӈкые мыткенӈыволаӈ. Корякиян- ныкетгуӄинэв’ ӄалалв’ына г’уемтэв’илг’у, лиги наколӈыӈвоӈнав’ ымыӈ ею чининваяткэнав’, тыттэль нывэтӄэнав’ то нымэлӄинэв’ г’уемтэв’илг’у. В’утку ымыӈ накояйтаӈӈынав’ яйичг’ыкенав’ пыттоӈо, то г’уемтэв’илг’у меӈию гымаллай вэтатык, тит нымэлг’эв’ ныг’итикынэв ёнатгиӈо окрукенав’.

Гымнинэв’, тыӈивылг’ин ваятэн Госдумак, яноткенав’ чаткаёӈгиӈо келлаӈ имы яӄэпыӈ в’иннетык Камчаткан, ымыӈ тит ныг’итикынэв’ пылв’ынто федеральный бюджетыӈко то элэк йиччык аӄайпыгиӈо. Эчги аӄачыг’ычгиӈыма, мыткояв’эннялаӈ яйтаӈык кытгэмгиӈо юнэтылг’ин.

Тыкуннийӈынэв’ в’аняво- тит этг’ылкэ, ымыӈ гамгаяйичг’ыӈ мыяйгиӈо! Ӄулинкинэв’ мынгыткэнав’ гэвэгиӈо янг’алаӈ йиплэпавык ымыӈ ею, в’иннетык туйчыг’у, якмэӈалайкэ то наячаӈмикчыӈкынав’ ынпычг’у. Ымыӈ ею нымэлӄинэв’ то нымитг’аӄинав’, ег’атгиӈо гамгаяйичг’ыӈ!

Эӈг’элу лыӈылг’а, тыӈивылг’э ваятэн Государственный Думак РФ Ирина Яровая.

Энаннимэвылг’ын С. Тынанто.