23.11.2020 03:09:02 (GMT+12)
Кымеӈынаӈ Камчаткаӈӄо инг’э эллай инэнмэлэв’в’эннятгиӈо ынан митг’айинак малав’ъяк итылг’ын Россияк. В’утку гымати И. Яровая.
20 кытэплёйиг’илгык яӄам галама 5 чачив’, титэ ынкайтыӈ айӈавытколай эньпичив’, тыӈивылг’э ваята в’аӈланэн тэйкык телемедицинский умэкэт энанмалав’гиӈэпыӈ итылг’ын гынунык нынылг’этылг’ын Е. Н. Мешалкинын. Тит нэнг’ыв’иннетын лиӈытг’ылг’ын ӈавытӄатпиль. Ылла каличити тыӈэвылг’ынаӈ ваятэн электронный ванэтыӈ Государственный Думак.
И. Яровая яӄам йинв’аняваннэн вэтатылг’о НМИЦ, то яӄам инэнмэлэвылг’э Новосибирскаӈӄо нэтэйкын видео- энанёлав’гиӈо, то натвынав’ миӈкые амъел йинмэлэвэвык ӈавытӄатпиль. То амъел яв’эннялайкэ инмэлэвэвык ӈавытӄатпиль дистанционный этгиӈэпыӈ.
Тыӈивылг’ын ваятэн И. Яровая эвыӈ, амъел омакаӈ явэталайкэ инэнмэлэвылг’у Камчаткакенав’ то гыноныӈӄо нынылг’этылг’ын академикакен Е. Н. Мешалкинын, тит в’иннетык иччытыг’ыллыг’у кымиӈу.
И. Яровая ков’эннянӈывоӈ тит нымэлг’эв’ нэнг’ынмэлэвикынэв’ Камчаткакенав’ кымиӈу. Эмет нангычголав’нав’ энанмалав’гиӈо кымиӈычгин тылг’ыллыг’ин онкологията. Ынан кончечг’анӈывоӈнэн миӈкые наконмалав’ӈывоӈнав’ кымиӈу. Опта инг’э коӈволаӈ в’иннетык митычг’у инэнмэлэвылг’у ФГБУ НМИЦ нынылг’этылг’ын Д. Рогачёвын то ӄуччев’.
Эчгыпо йинчоччымав’нэн С. Тынанто.
20 кытэплёйиг’илгык яӄам галама 5 чачив’, титэ ынкайтыӈ айӈавытколай эньпичив’, тыӈивылг’э ваята в’аӈланэн тэйкык телемедицинский умэкэт энанмалав’гиӈэпыӈ итылг’ын гынунык нынылг’этылг’ын Е. Н. Мешалкинын. Тит нэнг’ыв’иннетын лиӈытг’ылг’ын ӈавытӄатпиль. Ылла каличити тыӈэвылг’ынаӈ ваятэн электронный ванэтыӈ Государственный Думак.
И. Яровая яӄам йинв’аняваннэн вэтатылг’о НМИЦ, то яӄам инэнмэлэвылг’э Новосибирскаӈӄо нэтэйкын видео- энанёлав’гиӈо, то натвынав’ миӈкые амъел йинмэлэвэвык ӈавытӄатпиль. То амъел яв’эннялайкэ инмэлэвэвык ӈавытӄатпиль дистанционный этгиӈэпыӈ.
Тыӈивылг’ын ваятэн И. Яровая эвыӈ, амъел омакаӈ явэталайкэ инэнмэлэвылг’у Камчаткакенав’ то гыноныӈӄо нынылг’этылг’ын академикакен Е. Н. Мешалкинын, тит в’иннетык иччытыг’ыллыг’у кымиӈу.
И. Яровая ков’эннянӈывоӈ тит нымэлг’эв’ нэнг’ынмэлэвикынэв’ Камчаткакенав’ кымиӈу. Эмет нангычголав’нав’ энанмалав’гиӈо кымиӈычгин тылг’ыллыг’ин онкологията. Ынан кончечг’анӈывоӈнэн миӈкые наконмалав’ӈывоӈнав’ кымиӈу. Опта инг’э коӈволаӈ в’иннетык митычг’у инэнмэлэвылг’у ФГБУ НМИЦ нынылг’этылг’ын Д. Рогачёвын то ӄуччев’.
Эчгыпо йинчоччымав’нэн С. Тынанто.
