18.08.2020 08:57:27 (GMT+12)
Пыче итылг'ын инэллэчг'у Камчаткак В. Солодов омакальг'анма инингивык Инэллэчг'ин Инэллэиччетык РФ Дмитрий Чернышенконак эвыӈ, тит ыппулю в'увыпиляӄык нэнг'ынмийкутвэнэв' кытв'аӈлагиӈо гыйипык вагалыно. В'отэныӈӄо ятаг'этвэллаӈ вэлатгиӈо билетыкъет. Ыннею еллайке нымэлӄинэв' этгиӈо гынунвалг'ык туризмакэн лайвыгиӈэтыӈ.
"Пыӈлов' ӄайавиациякенав' келлаӈ гынунык, тит ныплэпг'ав' нэюнэтикынэв' ымыӈ мекив' Камчаткак. Вертолёто мойкыӈ келлаӈ ынан яноткенав' йиӈэльг'этылг'у явэнаӈо. Ятан в'утинэтэ коеӈальг'анӈыволаӈ ыявак валг'этыӈ нымъёлгэтыӈ. Инэллэчг'э Инэллэиччетык РФ М. Мишустинынан йилнин тайкыёлӄын эналлачг'ыйикыӈ транспортакенак этгиӈык, тит нэнг'ытуйтывэннэв' вертолётакенав' техникав' нымийкуг'эв' валг'а тайкыёта: Камчаткакен авиаиччет то "Витязь - Аэро". Эчги ыннин тайкыён ковэтатыӈ самолётаӈ, то вертолётыӈ еппы авэтатка.- эвыӈ пыче итылг'ын инэллэчг'у Камчаткак. - Опта китыӈ пыӈыл, тит йинмийкутвэвык кытв'аӈлагиӈо чаӈмикчиӈык вагалыно. Мыев' нымейиӈӄинэв' ечегиӈо келлаӈ ӄымек 20%, в'отэныӈӄо вэлатгиӈо билэтыкъет еӄӄым ныгычголӄэнав'. Ӈэвэӄ ыннею кытв'аӈлав' йинмийкувык, то кытвыль еллайкэ пылв'ынто йиӈэльг'этык ваятэн".
Ынно эвыӈ, ватӄэнав' тайкыёлӄыло ныг'итикынэв' тэйкык пылв'ынтыв'эннятгиӈо еӈальг'атылг'ыйикыӈ гынун ДВ федеральный бюджетыӈӄо.
*
Чоччымав'гиӈо оельг'атынвыӈ Камчатский крайик нымэлг'эв' когалалаӈ. В'отэныӈӄо в'аняватэ омакальг'анма пыче итылг'ын инингиву Инэллэчг'ин Инэллэиччетык крайик Тимофей Смирнов.
"Чоччымав'гиӈо лыӄлаӈычг'атынвыӈ нымэлг'эв' когалалаӈ. В'этэнг'ылойтыӈ 37 майӈыуйинэӈвано ганчаччымав'лэнав'. 79% уйинэӈу эмет нэйив'лынэв' гамга ванэтыӈ крайик. Опта кытвыль ковэталаӈ тит йив'лык нучельӄыкинэв' вылӄу, то ымыӈ мытӄу. Ымыӈ ремонтакенав' вэтгиӈо нытгымг'ав' нэкутилиӈнэв'. Нымэлг'эв' яӈвоӈ оельг'атгиӈын, ӄыйим ниннэв' нымейӈӄинэв' эняччыгиӈо,"- эвыӈ Т. Смирнов.
Эчгыпо йинчоччымав'нэн С. Тынанто
"Пыӈлов' ӄайавиациякенав' келлаӈ гынунык, тит ныплэпг'ав' нэюнэтикынэв' ымыӈ мекив' Камчаткак. Вертолёто мойкыӈ келлаӈ ынан яноткенав' йиӈэльг'этылг'у явэнаӈо. Ятан в'утинэтэ коеӈальг'анӈыволаӈ ыявак валг'этыӈ нымъёлгэтыӈ. Инэллэчг'э Инэллэиччетык РФ М. Мишустинынан йилнин тайкыёлӄын эналлачг'ыйикыӈ транспортакенак этгиӈык, тит нэнг'ытуйтывэннэв' вертолётакенав' техникав' нымийкуг'эв' валг'а тайкыёта: Камчаткакен авиаиччет то "Витязь - Аэро". Эчги ыннин тайкыён ковэтатыӈ самолётаӈ, то вертолётыӈ еппы авэтатка.- эвыӈ пыче итылг'ын инэллэчг'у Камчаткак. - Опта китыӈ пыӈыл, тит йинмийкутвэвык кытв'аӈлагиӈо чаӈмикчиӈык вагалыно. Мыев' нымейиӈӄинэв' ечегиӈо келлаӈ ӄымек 20%, в'отэныӈӄо вэлатгиӈо билэтыкъет еӄӄым ныгычголӄэнав'. Ӈэвэӄ ыннею кытв'аӈлав' йинмийкувык, то кытвыль еллайкэ пылв'ынто йиӈэльг'этык ваятэн".
Ынно эвыӈ, ватӄэнав' тайкыёлӄыло ныг'итикынэв' тэйкык пылв'ынтыв'эннятгиӈо еӈальг'атылг'ыйикыӈ гынун ДВ федеральный бюджетыӈӄо.
*
Чоччымав'гиӈо оельг'атынвыӈ Камчатский крайик нымэлг'эв' когалалаӈ. В'отэныӈӄо в'аняватэ омакальг'анма пыче итылг'ын инингиву Инэллэчг'ин Инэллэиччетык крайик Тимофей Смирнов.
"Чоччымав'гиӈо лыӄлаӈычг'атынвыӈ нымэлг'эв' когалалаӈ. В'этэнг'ылойтыӈ 37 майӈыуйинэӈвано ганчаччымав'лэнав'. 79% уйинэӈу эмет нэйив'лынэв' гамга ванэтыӈ крайик. Опта кытвыль ковэталаӈ тит йив'лык нучельӄыкинэв' вылӄу, то ымыӈ мытӄу. Ымыӈ ремонтакенав' вэтгиӈо нытгымг'ав' нэкутилиӈнэв'. Нымэлг'эв' яӈвоӈ оельг'атгиӈын, ӄыйим ниннэв' нымейӈӄинэв' эняччыгиӈо,"- эвыӈ Т. Смирнов.
Эчгыпо йинчоччымав'нэн С. Тынанто
