13.01.2021 08:19:39 (GMT+12)
Камчаткак ӈывой Охотоморский лыкл’эӈкин ынныӈийтыгиӈын. Ымоӈ ынныакметгиӈо эмэлкэ ныг’итикынэв’ 1 миллион 600 тысячав’ тоннав’, ынныӈийтылг’э Камчаткаӈӄо нэнг’экминэв’ 400 тысячав’ тоннав’. Эчги ымоӈ ею ганчоччымав’лэнав’, эмет майӈыг’ытву ӈыволай ынныӈийтык.
Ынняӄ инэллэчг’у Китайский Народный Республикаӈӄо (меӈиныйик накойкойӈывоӈнав’ ынну) нэкмитын танвэтгыӈгиӈын, пыче тактыӈык нывилваны, миӈки нэкуйпеӈнэв’ ынну 15 г’ылв’ыёйтыӈ в’утин йиг’илгык.
Тит нымэлг’эв’ навэтатэкынав’ энвилкэ ынныӈийтылг’у, титэ еппы китыӈ COVID-19, инэллэчг’э Федеральный иччетык ынныӈийтыгиӈэпыӈ И. Шестаковынак йилнин тайкыён Роспотребнадзорыӈ то Россельхознадзорыӈ йинчоччымавык тэнмо, миӈкые нымэлг’эв’ навэтатэкынав’ вэтатъиччету майӈыг’ытвыкенав’.
Охотоморский лыкл’эӈкин ынныӈийтыгиӈын- ынан ныквуӄин ынныӈийтыгиӈын Россияк то ымнутэк. 110 г’ылв’ыё накояваӈвоӈнав’ тит экмитык 60% гивикинэв’ ынныакметгиӈо Дальневосточный ынныӈийтыванык.
*
Федеральный тайкыёлӄылэпын ‘ «Эналватгиӈын гамгакымиӈин» национальный тэнмэпыӈ «Энангыёлав’гиӈо» Камчаткак амъел нэкунтуйтывэнӈынэв’ калэякенав’ спортакенав’ вано. В’отэныӈӄо эв’лай инэллэчг’у краевой энангыёлав’гиӈэпыӈ.
2021 гэвэгиӈык мыкыӈ 41 миллионав’ пылв’ынто келлаӈ федеральный бюджетыӈӄо тит йиплэпавык вано то куйик нытуйӄинэв’ явэнаӈо спортакен ванэтыӈ.
Галалг’ыгэвэгиӈык тайкыёлӄылэпыӈ вэтгиӈо нэтэйкынэв’ 8 калэяк: Елизовский, Карагинский, Тигильский, Усть- Большерецкий то Соболевский районык.
«Камчаткаӈ в’утин гивик тыттэль ӈынвыӄ пылв’ынто келлаӈ- 41 миллионав’. Мыччаӈвоӈнав’ йиныплэпавык спортакенвано калэякенав’ ӈыччеӄ калэяк Елизовский районык, ӈыёӄ калэяк Вилючинскак то калэяк Паланык»- эвыӈ вэтатылг’ын инэллэиччетык энангыёлав’гиӈэпыӈ крайик Зоя Абдуллина.
Эчгыпо йинчоччымав’нэн С. Тынанто.
Ынняӄ инэллэчг’у Китайский Народный Республикаӈӄо (меӈиныйик накойкойӈывоӈнав’ ынну) нэкмитын танвэтгыӈгиӈын, пыче тактыӈык нывилваны, миӈки нэкуйпеӈнэв’ ынну 15 г’ылв’ыёйтыӈ в’утин йиг’илгык.
Тит нымэлг’эв’ навэтатэкынав’ энвилкэ ынныӈийтылг’у, титэ еппы китыӈ COVID-19, инэллэчг’э Федеральный иччетык ынныӈийтыгиӈэпыӈ И. Шестаковынак йилнин тайкыён Роспотребнадзорыӈ то Россельхознадзорыӈ йинчоччымавык тэнмо, миӈкые нымэлг’эв’ навэтатэкынав’ вэтатъиччету майӈыг’ытвыкенав’.
Охотоморский лыкл’эӈкин ынныӈийтыгиӈын- ынан ныквуӄин ынныӈийтыгиӈын Россияк то ымнутэк. 110 г’ылв’ыё накояваӈвоӈнав’ тит экмитык 60% гивикинэв’ ынныакметгиӈо Дальневосточный ынныӈийтыванык.
*
Федеральный тайкыёлӄылэпын ‘ «Эналватгиӈын гамгакымиӈин» национальный тэнмэпыӈ «Энангыёлав’гиӈо» Камчаткак амъел нэкунтуйтывэнӈынэв’ калэякенав’ спортакенав’ вано. В’отэныӈӄо эв’лай инэллэчг’у краевой энангыёлав’гиӈэпыӈ.
2021 гэвэгиӈык мыкыӈ 41 миллионав’ пылв’ынто келлаӈ федеральный бюджетыӈӄо тит йиплэпавык вано то куйик нытуйӄинэв’ явэнаӈо спортакен ванэтыӈ.
Галалг’ыгэвэгиӈык тайкыёлӄылэпыӈ вэтгиӈо нэтэйкынэв’ 8 калэяк: Елизовский, Карагинский, Тигильский, Усть- Большерецкий то Соболевский районык.
«Камчаткаӈ в’утин гивик тыттэль ӈынвыӄ пылв’ынто келлаӈ- 41 миллионав’. Мыччаӈвоӈнав’ йиныплэпавык спортакенвано калэякенав’ ӈыччеӄ калэяк Елизовский районык, ӈыёӄ калэяк Вилючинскак то калэяк Паланык»- эвыӈ вэтатылг’ын инэллэиччетык энангыёлав’гиӈэпыӈ крайик Зоя Абдуллина.
Эчгыпо йинчоччымав’нэн С. Тынанто.
