11.12.2020 11:33:20 (GMT+12)
Эчги гынкыӈ ныг’аллай 90 гэвэгиӈо!
Гымкыӈ 47 гэвэгиӈо, ыннею келлаӈ ӄымек чывипыт гынинэв’ гэвэгиӈо. В’утку гымнинэв’ татӄупу, ею гымкыӈ келлаӈ еёло, то эӈг’элу : еӄӄым ав’аняв’кылг’нав’ , нымитӄинав’ имы яӄэпын, мыккумӈылг’ин эмнуӈ, чиниваяткэнав’ этгиӈо, то ымыӈ ею нытуйӄинэв’, в’ача уйӈэ лиги лыӈылг’у то кытаван ныг’итикынэв’ в’отэнночальӄыӈ.
Ӄэй ынкыяпыӈӄо гымкыӈ Камчатка китыӈ ыннэн, ынняӄ айгытӄын гымкыӈ китыӈ ӄонпыӈ гымык ӄалалв’ынчыӄо.
Айгытӄыӈӄал ниччыг’эв’ юнэтык, ымыӈ ею г’ояӈ ковыччылаӈ: эплитэйкылг’у вэтгиӈо,нымэлӄинэв’ акметгиӈо, гамгаг’уемтэв’ылг’ын лиги нэкулӈыӈын. Тыкуйиг’этыӈ эчгикинэкъйит Этог’ылв’ыйикъет, мыев’ гыммо опта гынинэйги г’уемтэв’илг’игым. Гынинэв’ метг’агиӈо- нэчгыӄэнав’ в’эему, гытго, ныктыльгыяӄэнав’ ӈэю, ков’эннялаӈ гыматык еюнэнӈык.
Тыкопоздравлянӈынав’ юнэтылг’у Корякияк этог’ылв’ыйикъет, ӈыечеӈ йинойпакмевылг’ын ордената « Трудового Красного Знамени» то «Дружбы народов»!
Тит малъёнатгиӈо ныг’итикынэв’ гамгаяйичг’ык! Гаяйтаӈӈывота Айгытӄын чининкинэк ӄалалв’ынык!
Сергей Лебедев
