Поздравлениян Валентинанын Броневич

09.12.2020 21:12:29 (GMT+12)

Поздравлениян Валентинанын Броневич

Тыттэль эӈг’элу лыӈылг’ытую юнэттумгу, юнэтылг’у Корякский округык, тумгытую!

Тыкопоздравляллаӈык этог’ылв’ыйикьет Корякский округ, маӈэнынаӈ ныг’аллай 90 гэвэгиӈо! Ымоӈ 90 гэвэгиӈо энма Корякский округ, юнэтылг’у котгымалаӈ йиплэпавык социально- экономикакенав’ этгиӈо государствак то наконгычголав’нывоӈнав’ томгылг’атгиӈо гамгаваятэн, в’уткекъйит нанойпакмэвын ордената «Трудового красного знамени» то «Дружбы народов». Мыкыӈ 8700 юнэтылг’у нанойпакменнав’ медалята «Малвэтгыӈыкъет Майӈытанӈычейма 1941-1945г.г.» Малвэтгиӈыкъет титэ пылиткуй танӈычетгиӈын ордената то медалята нанойпакменнав’ ӈынвычгаё, котвалаӈ ӈыячгаё Героё социалистический вэтгиӈык. Ӈынвычгаё Заслуженный инэнмэлэвылг’у, инэнгыюлэвылг’у, таяӈылг’о, юристав’, вэтатылг’о культуракенав’, калимитычг’у. Государстаенный академический то ваяткенав’ мылав’ъиччету, артистав’ Россиякенав’, учёноё, митычг’у Заслуженный тэпичгыӈылг’у, ӄояв’ъепылг’о, тэминьӈылг’у то ӄуччев’ вэтылг’о- ыннею келлаӈ золотэн фондано вэтатылг’эн Корякиякен.

Мучгин Корякиян митг’аэльг’апель калитыӈылг’ын ичг’ылг’ын, митг’аваны Камчаткакен! Мойкыӈ айгытӄылг’ыӈ- ыннин нутэнут муйик пенинэлг’ин. Ынно накучаӈмикчиӈын, накояйтаӈӈын то накойилӈывоӈын нытуйӄин в’ыеӈтон, тит йиннимайтавык эччыгиӈо, ӄэй в’ача актыка. Майӈывэтгиӈа омакаӈ, мыткотайкыӈволаӈын ӄулинкин вагиӈын!

Корякиян- ыннин мую омакаӈ, мучгин чининкин нучельӄын то тыттэль нымэйиӈӄиӈ аӈг’алгиӈын ынкайтыӈ !

Ангытыкъет, Этог’ылв’ыйикъет, мучгин чининкин Корякский округ!

В. Т. Броневич, Инанвийиӈылг’ын г’уемтэв’илг’ин Камчатский крайик, инэллэчг’ын Корякский окрисполкомык 1987-1990 г.г., Губернатор Корякский автономный округык 1996-2000 г.г.

Делитесь новостями Камчатки
в социальных сетях:

Свежие новости Камчатки, новости Петропавловска-Камчатского