16.11.2020 01:20:35 (GMT+12)
Корякский ванык, миӈки накув’йипӈынав’ каликалу ныннылг’этылг’ын К. Кеккетинын, ӈывома 2020 гэвэгиӈын нэкутэйкыӈнэв’ амалваӈ валг’о этгиӈо яйнак 90 гэвэгиӈо титэ гантоӈвав’лэн Корякский округ. Льгичейпыйиг’илгык в’утку галай пыӈлоткогиӈын, миӈкые лиги юнэтылг’э нэкулӈыӈнэв’ чининнутэкинэв’ ымыӈ ею. Нап’ӈылонав’, микынэк янотыӈ наӈвонав’ ейгулэнӈык мучгин нучельӄын, мекив’ эллай янотычг’о тэйкык археолгический энаейгиӈо, тывык ынанмитычг’у каличитылг’у округкэнав’, опта панэнатвык мылав’ъиччетыкъйит «Мэнго» то ӄуччев’,
29 ымычвилюйиг’илгык библиотекак нанойпакменнав’ эналватылг’о викторинак. Янотычг’о ныг’эли инэнгыюлэвылг’ын КГБУ ЦСРСФУ «Эчган» Е. Запороцкая. Ынкыӈ нэйлын Диплом то ӄавэёчгын. Опта Диплома нанойпакмэвын Е. В. Косыгина, меӈин панэнатвэ миӈкые ыччу вэталлай гитэк мэткэ янг’ав’ ячвыӈчатылг’а натвынав’ в’аняво пыӈлойпыӈ. В’утку наӈъян инэнгыюлэвылг’ын КГБУ ЦСРСФУ «Эчган» И. Б. Утонова.
В’уччин пыӈлоткогиӈын нэтэйкын муниципальный тайкыёлӄылэпыӈ «Йиплэпав’гиӈо культуракэнав’ в’уйвык Палана» - тит нымэлӄинэв’ томгылг’атгиӈо ныг’итикынэв’ гамгаваятэн, йиныплэпавык то йингычголавык культуракэнав’ этгиӈо, то чининкин йилыйил
айгытӄываятэн. Инэллэчг’э в’уйвык Палана опта нэйилнэв’ нымэлӄинэв’ ӄавеёв’.
Ымоӈ ятылг’ыйикыӈ библиотекайтыӈ нэнӄэвив’нэв’ каликалу, йичоччымавылг’о вэтатылг’а ванык, миӈки накув’ъйипӈынав’ каликалу Пенжинский, Карагинский, Олюторский районык то Паланык. Ычгынан накалинав’, миӈкые йилэк ангыто этог’ылв’ыйикъет Корякский округ. Инэллэчг’э Корякский библиотекак нынылг’этылг’ын К. Кеккетинын Н. Алотовынак аӈъянэн юнэттумгу, меӈию ӄонпыӈ коянӈыволаӈ ийкайтыӈ, то эвыӈ амъел омакаӈ ятгымалайкэ яёг’ыӈкы экмитылг’у тэнмо библиотеката.
Эчгыпо йинчоччымав’нэн С. Тынанто.
29 ымычвилюйиг’илгык библиотекак нанойпакменнав’ эналватылг’о викторинак. Янотычг’о ныг’эли инэнгыюлэвылг’ын КГБУ ЦСРСФУ «Эчган» Е. Запороцкая. Ынкыӈ нэйлын Диплом то ӄавэёчгын. Опта Диплома нанойпакмэвын Е. В. Косыгина, меӈин панэнатвэ миӈкые ыччу вэталлай гитэк мэткэ янг’ав’ ячвыӈчатылг’а натвынав’ в’аняво пыӈлойпыӈ. В’утку наӈъян инэнгыюлэвылг’ын КГБУ ЦСРСФУ «Эчган» И. Б. Утонова.
В’уччин пыӈлоткогиӈын нэтэйкын муниципальный тайкыёлӄылэпыӈ «Йиплэпав’гиӈо культуракэнав’ в’уйвык Палана» - тит нымэлӄинэв’ томгылг’атгиӈо ныг’итикынэв’ гамгаваятэн, йиныплэпавык то йингычголавык культуракэнав’ этгиӈо, то чининкин йилыйил
айгытӄываятэн. Инэллэчг’э в’уйвык Палана опта нэйилнэв’ нымэлӄинэв’ ӄавеёв’.
Ымоӈ ятылг’ыйикыӈ библиотекайтыӈ нэнӄэвив’нэв’ каликалу, йичоччымавылг’о вэтатылг’а ванык, миӈки накув’ъйипӈынав’ каликалу Пенжинский, Карагинский, Олюторский районык то Паланык. Ычгынан накалинав’, миӈкые йилэк ангыто этог’ылв’ыйикъет Корякский округ. Инэллэчг’э Корякский библиотекак нынылг’этылг’ын К. Кеккетинын Н. Алотовынак аӈъянэн юнэттумгу, меӈию ӄонпыӈ коянӈыволаӈ ийкайтыӈ, то эвыӈ амъел омакаӈ ятгымалайкэ яёг’ыӈкы экмитылг’у тэнмо библиотеката.
Эчгыпо йинчоччымав’нэн С. Тынанто.
