Мэмлыӈтоев’эны В’эемлэк Тигильский районык нэнг’ыплиткун тэйкык ӄутин гивик

05.11.2020 08:49:52 (GMT+12)

Мэмлыӈтоев’эны В’эемлэк Тигильский районык нэнг’ыплиткун тэйкык ӄутин гивик
Галалг’ы паӈав’ъейгиӈо инэллэчг’ын Камчаткакен итти В’эемлэк Тигильский районык. Лайвыма ынан гитэнин миӈкые нэкутэйкыӈын эмлыӈтоев’эн. Омакальг’анма 2 кытэплёйиг’илгык инэллэиччетык крайик, В. Солодов эвыӈ, эмен ыннею вэтгиӈо нэнг’ыплиткунэв’ пылиткома ватӄэн гэвэгиӈын.

Тит мэльинг’э нанг’ыёг’экынав’ ынниг’ан валг’о тэнмо, ныг’итикынэв’ яӈъя итылг’у вэтгиӈо, миӈки йивитылг’у ныг’итикынэв’ краевой инэллэчг’у, то муниципальный иччету ӄыйим в’утиныкъйит нывэтатэкынав’. Ыннею вэтгиӈо нэкуетэйкыӈнэв’ тит йичичг’этык миӈкые валг’о этгиӈо кенӈыволаӈ йинтыватык нытуйӄинэв’ вано. В. Соловынак йилнин тайкыёв’ эналлачг’ын Инэллэиччетык крайик А. Кузнецовынаӈ то инигиву итылг’ыӈ Т. Смирновынаӈ, тит ычгынан нанг’ынчоччымав’нав’ янг’ав’ валг’о номативный калив’, миӈки наятвыӈнав’ катгогиӈо йивитылг’ин то ымыӈ ычгинэв’ кытъэтгиӈо.

«Кытаван ӄутин гивик нэнг’ыплиткун в’уччин тайкыён. Эчги пыче актыка ею тывык. В’емлэк китыӈ нымэлӄин энанг’ояватгиӈын таяӈгиӈэпыӈ. В’утку тыттэль инг’э нантыванат ӈыччэӄ яят. Ыннин китыӈ нымэлӄин вэтгиӈын. Ынниг’ан навэтатэкынав’ ӄутин районык меӈию ыявак котвалаӈ. Яӈъя ымыӈ ею ныг’итикынэв’ Корякский округыӈ, яноткенав’ тэнмо йинчоччымавык таяӈгиӈэпыӈ,-иви В. Солодов.

Эчгыпо йинчоччымав’нэн С. Тынанто.

Делитесь новостями Камчатки
в социальных сетях: