02.11.2020 09:14:11 (GMT+12)
Лайвыма Корякский округэтыӈ инэллэчг’у крайик, В. Солодовынак йилнин тайкыён эналлачг’ыӈ таяӈгиӈэпыӈ, тит лыг’ук этгиӈо йинийв’тылэтвэвык вэлатгиӈо йинтыватык социальный вано в’уйвык Корякский округык. В’отоӄун, тит тэйкык калэян-квннятав’ъян в’уйвык Оссора.
В’аняванма пыче итылг’ын инэллэчг’у таяӈгиӈпыӈ А. Дегодьев эвыӈ, тит тэйкык калэян- кыннятав’ъян миӈки еллайкэ 300 кымиӈу, федеральный бюджетыӈӄо ныг’итикынэв’ 1,5 миллиардав’ пылв’ынто. То В. Солодов иви, пыче энив’тылэтвэткэ нэентыӈнэв’ вэлатгиӈо, актыка мочгынан ыннею вэтгиӈо мынвнтываннав’ государственный тайкыёлӄылэтыӈ.
«Пыче еллайкэ ынниг’ан валг’о вэлатгиӈо, актыка ею мынтэйкынэв’. Мынг’ывэталлайкэ йинив’тылтвэвык вэлатгиӈо таяӈгиӈэпыӈ. В’эемлэк ныг’умвилӄин кв м, мыев’ энаев’латгиӈо ниччыӄинэв’. Оссорак мэльнымийкуӄин энаев’латгиӈын. Яӄам Владивостокыӈӄо майӈыг’ытвэ кенаев’лаллаӈ. Тыков’аӈлалаткы, навэталайкынэтык тит йинив’тылэтвэвык вэлатгиӈо кв м»-, эвыӈ инэллэчг’ын крайик.
Эчги Корякский округык тыттэль ныгычголӄэнав’ вэлатгиӈо таяӈгиӈэпын- 228 тыс руб кв м - мыев’ уйӈэ итке нымэлӄинэв’ йиг’это, то инг’э коплиткоӈвоӈ наев’латгиӈын вэемтайнэпыӈ, то никмыӄин алаал титэ котаяӈӈыволаӈ.
Уйӈэ атвака ымыӈ ею ыннэнике канализациян, эмлыӈтовано, уйӈэ итке нормативный этгиӈо. Йинчоччымав’гиӈо таяӈгиӈо тыттэль ныгычголӄэнав’ .
Эчгыпо йинчоччымав’нэн С. Тынанто.
В’аняванма пыче итылг’ын инэллэчг’у таяӈгиӈпыӈ А. Дегодьев эвыӈ, тит тэйкык калэян- кыннятав’ъян миӈки еллайкэ 300 кымиӈу, федеральный бюджетыӈӄо ныг’итикынэв’ 1,5 миллиардав’ пылв’ынто. То В. Солодов иви, пыче энив’тылэтвэткэ нэентыӈнэв’ вэлатгиӈо, актыка мочгынан ыннею вэтгиӈо мынвнтываннав’ государственный тайкыёлӄылэтыӈ.
«Пыче еллайкэ ынниг’ан валг’о вэлатгиӈо, актыка ею мынтэйкынэв’. Мынг’ывэталлайкэ йинив’тылтвэвык вэлатгиӈо таяӈгиӈэпыӈ. В’эемлэк ныг’умвилӄин кв м, мыев’ энаев’латгиӈо ниччыӄинэв’. Оссорак мэльнымийкуӄин энаев’латгиӈын. Яӄам Владивостокыӈӄо майӈыг’ытвэ кенаев’лаллаӈ. Тыков’аӈлалаткы, навэталайкынэтык тит йинив’тылэтвэвык вэлатгиӈо кв м»-, эвыӈ инэллэчг’ын крайик.
Эчги Корякский округык тыттэль ныгычголӄэнав’ вэлатгиӈо таяӈгиӈэпын- 228 тыс руб кв м - мыев’ уйӈэ итке нымэлӄинэв’ йиг’это, то инг’э коплиткоӈвоӈ наев’латгиӈын вэемтайнэпыӈ, то никмыӄин алаал титэ котаяӈӈыволаӈ.
Уйӈэ атвака ымыӈ ею ыннэнике канализациян, эмлыӈтовано, уйӈэ итке нормативный этгиӈо. Йинчоччымав’гиӈо таяӈгиӈо тыттэль ныгычголӄэнав’ .
Эчгыпо йинчоччымав’нэн С. Тынанто.
