Инэллэчг’э крайик лайвыма нэтэйкын виткукин омакальг’атгиӈын гынунык Корякский округык Паланык

01.11.2020 08:56:31 (GMT+12)

Инэллэчг’э крайик лайвыма нэтэйкын виткукин омакальг’атгиӈын гынунык Корякский округык Паланык
В’уччин нытуйӄин вэтгиӈын йинтоӈвав’нэн инэллэчг’э крайик В. Солодовынак.

В’аняванма В. Солодов эвыӈ ыннею акметгиӈо эллай, тэйкык умекет округкен гынунык Паланык, мыев’ нымэйиӈӄинэв’ ӄутин валг’о вэтгиӈо келлаӈ тит йиплэпавык ымыӈ ею айгытӄыӈӄал.

Инэллэчг’ын крайик эвыӈ, гамгагосударственный тайкыёк яӈъя ныг’итикынэв’ тайкыёлӄыло гамгарайонынкенав’ Корякский округык.

В’отэныӈӄо лиги нэкуелӈыӈнэв ’, миӈкые валг’о эчги этгиӈо келлаӈ округык, миӈкые валг’о яноткенав’ пыӈлов’, тит экмитык тайкыёв йиплэпавык эняччыгиӈо Корякский округык.

Омакальг’анма натанвэтгыӈнав’ яноткенав’ вэтгиӈо йиплэпавык социально-экономикакенав’ этгиӈо Корякский округык. В’уткекъйит в’аняватэ пыче итылг’ын инэллэчг’у Корякский округык В. Падерин то инэллэчг’у Камчаткакенав’.

Пылиткома омакатгиӈын инэллэчг’э крайик йилнин тайкыён метг’аӈ таӈгитэк государственный тайкыёв’ йиплэпав’гиӈэпыӈ Корякский округ. В’утин документак ымын ‘ ею янг’ав’ нанг’ыкалинав’ тит яёг’ыӈкы экмитылг’у тэнмо.

«Ӈэвэӄ котвалаӈ тэнмо йинчоччымавык чининкинэв’ вэтатылг’о, в’утку кытаван лиги лыӈык тэг’и кояйгочав’ӈылан целевой этгиӈэпыӈ. То опта лиги лыӈык тэг’и яяв’ чиматылг’у нанг’ыннялгытаннав’»,- иви инэллэчг’ын крайик.

В. Солодов эвыӈ, инэллэчг’у крайиӈӄо ныкыттыг’ав’ яӈволаӈ вэтатык тит йингычголавык социально-экономикакенаа’ этгиӈо Корякский округык.

Инэллэчг’ын Камчаткакен эвыӈ ынниг’ан валг’о омакальг’атгиӈыӈо нэетэйкыӈнэв’ Карагинский то Пенжинский районык пылиткома гэвэгиӈэтыӈ.

Эчгыпо йинчоччымав’нэн С. Тынанто.

Делитесь новостями Камчатки
в социальных сетях:

Свежие новости Камчатки, новости Петропавловска-Камчатского