22.10.2020 09:19:32 (GMT+12)
П. Ясевич: Чемот ав’аняватка, мыныӈволайке вэтатык йиплэпавык этгиӈо Корякский округык.
Инэллэиччетык Камчатский крайик галай йитг’атвылӈыгиӈын пыче итылг’ын вице-губернаторо П. Ясевичен омакаӈ общественный ичетык. Ӈанко натанвэтгыӈнав’ вэтгиӈо тойминистерстван эналагиӈэпыӈ инэллэиччетылв’ынык то йиплэпав’гиӈэпыӈ Корякский округ.
«Ӈынвычгаёюнэтылг’у округык кев’лаӈ апливэтатка еппы тит йиплэпавык то йингычголавык ёнатгиӈо Корякский округык. В’отэныӈӄо в’анявалай йитг’атвылӈыгиӈык ӈывома нытуйӄинэв вэтатг’ылв’ыё. Мую мывэтгыльг’алла миӈкые валг’ын йитики тойминистерстван, то миӈкые валг’о тайкыёв’ еллаке Корякский округепыӈ. Тит йингычголавык ёнатгиӈо Корякский округык тайкыёв’ ныг’итикынэв’ гамга государственный тэнмык. Мынг’ыӈволайкэ вэтатык, чемот ятан ав’аняватка миӈкые йиплэпавык этгиӈо Корякский округык»,-эвыӈ П. Ясевич.
Янотыӈ общественный иччету калечелай эналлачг’ынаӈ крайик В. Солодовынаӈ, натвынав’ ӈанко эчгикинэв’ ёнатгиӈо округык, то опта нэвийиӈын инэллэиччет Корякский округкен, меӈин мыев’ накоятактыӈын.
«Инэллэиччет Корякский округкен эчги мальактыка нымэлг’эв’ нывэтатэкэ тит йиплэпавык ёнатгиӈо юнэтылг’ин. Коӄлалаӈ катгогиӈо тит ынанныӈ министерствак вэтатык. Ӈэвэӄ йиг’уевыӈ нытуйӄин министерстван яӈволаӈ вэтатык ныкыттыг’ав’ ымыӈ ею йиплэпавык Корякский округык, то инэллэчг’у янг’алаӈ чаймыӈ ёнатылг’ыйикыӈ округык. Амъел явэтатэкэ инэллэиччет Корякский округык, ятан ынно енг’элыӈ Управленияно . В’отэныӈӄо инэллэиччет Корякский округкен йитики министерствак. Инэллэиччетин еллайкэ катгогиӈо ымыӈ вэтгвльг’атык Паланык то Корякский округык. То юнэтылг’у эмэлкэ яв’аняваллайке яӄам эналлачг’ыйикыӈ крайик. Яноткэнав’ вэтгиӈо инэллэиччетин Корякский округык еллайкэ ӄонпыӈ лиги лыӈык ымыӈ ею округкенав, тывык аӄайпыгиӈо то миӈкые ыччу элэк йиччык то йичичг’этыӈ миӈкые наяёг’экынав’ тайкыёв. То гамгарайонык явэталайке г’уемтэв’илг’у министерстваӈӄо»,- эвыӈ П. Ясевич.
Чейпыйиг’илгык йитг’атвылӈыма омакаӈ В. Солодовынак, юнэтылг’э Паланык опта натвынав’ чаткаёӈгиӈо тит навэтатэкэ округык инэллэиччет, ятан ынкыӈ ныг’итикынэв нымэлӄинэв’ катгогиӈо, меӈию эчги коӄлалан. В’отэныӈӄо уйӈэ эвыччетке эллай вэтгиӈо инэллэиччетин Корякский округык. Ынняӄ инэллэчг’у районкенав’ эв’лай, тит нэг’уевын ӄуллу инэллэиччет, мыев’ в’уччин уйӈэ эв’иннетке.
«Инэллэиччет Корякский округкен уйӈэ еӄэ мойкыӈ эв’ыннетке, мыев’ уйӈэ ынин катгогиӈо то апылв’ынтыкелг’ын. Ынаныӈ валг’о документав’ мыткуннийӈынэв’ ымыӈ эналлачг’ыӈ округык то министерствайтыӈ крайик. Аму ӈэвэк йиг’уевыӈ нытуйӄин министерстван ямейкотваллаӈ вэтгиӈо мучгинэв’»,- эвыӈ инэллэчг’ын Тигильский районык А. Пригоряну.
«5 гэвэгиӈо тыковэтатыӈ инэллэчг’у Карагинский районык, уйӈэ йин титэ в’уткые эетке эллай инэллэчг’у округык. Ычгинэв’ уйӈэ итке чининкинэв’ пылв’ынто, в’этэныӈӄо актыка еӄэӈын ныв’инненэв’. Актыка пелак пенин инэллэиччет округкен»,- эвыӈ В. Гаврилов.
Опта видео-в’аняватгиӈэпыӈ общественный эччатыӈӄо напӈылонав’ инэллэчг’у крайик, метке ӄейль накончоччымав’ӈын выг’аёк тэйкык ыннэн муниципальный иччет. В’уткекъит общественный эччатыӈӄо эв’лай, кытаван нанг’ыпӈылонав’ чаткаёӈгиӈо юнэтылг’ин Корякский округык.
«Ымоӈ чоччымав’гиӈо тэйкык ыннэн муниципальный иччет округык лиги нэелӈикынэв’ округык. Янотыӈ мыччапӈылоӈнав’ юнэтылг’у Корякский округык. Ӈэвэӄ йиг’анӄалаӈ итык ыннэн муниципальный иччетык, актыка мочгынан йинны мынтайкылан»,- эвыӈ П. Ясевич.
Инэллэчг’ын айгытӄываятэн эччатыӈӄо «КРОО «А КМНС «Корякия» З. Архангельская эвыӈ, тыткалэлан айӈавыткогиӈын, мыев’ котвалаӈ пыӈлов миӈкые амъел йитики Корякский округык, меӈинин инмы котвалаӈ яӈъя валг’о катгогиӈо.
«Видео-йитг’атвылӈыма мойкыӈ нэв’ламык, ӈэвэӄ наяӈвоӈын тэйкык ыннэн муниципальный иччет, янотыӈ наяпӈылоӈнав’ юнэтылг’у округык. Паланык явэтатэкэ иччет министерстваӈӄо то районык опта еллайкэ ычгинэв’ вэтатылг’о. Мую мыткев’лаӈ , инэллэиччет кытаван ныг’итики округкен гынунык Паланык. Мыев’ ӄутин субъектак котвалаӈ чининкинэв’ инэллэиччету округкен гынунык. 10 яяв’очг’ыйилгык гантоӈвав’лэн Национальный Корякский округ. В’утин гивик конг’алаӈ 90 гэвэгиӈо. Мыткев’лаӈ, айӈавыткогиӈык опта мытынтываннвв’ пыӈлов’ национальный политикакьет крайик»,- эвыӈ З. Архангельская.
«Мыев’ келлаӈ янья валг’о катгогиӈо Корякский округык, мытэв’ӈывола йинтоӈвавык министерстван меӈин явэтатэкэ йиплэпавык Корякский округ. Ӈэвэӄ йиг’уевыӈ министерстван, мыччаӈволаӈ гыматык яныплэпав’ӈык Корякский округ лиги лыӈма яӈъя валг’о катгогиӈо то Устав краевой. Омакаӈ вэтанма- мыччаныплэпав’лаӈын округ»,- эвыӈ П. Ясевич
Нытуйӄин министерстван миӈки накончоччымав’ӈын омакаӈ итылг’ын вэтгиӈын иччетин энаплэпав’гиӈэпыӈ край то инэллэиччет Корякский округкен аму яӈвоӈ вэтатык ӈывома 2021 гэвэгиӈык.
Инэллэиччетык Камчатский крайик галай йитг’атвылӈыгиӈын пыче итылг’ын вице-губернаторо П. Ясевичен омакаӈ общественный ичетык. Ӈанко натанвэтгыӈнав’ вэтгиӈо тойминистерстван эналагиӈэпыӈ инэллэиччетылв’ынык то йиплэпав’гиӈэпыӈ Корякский округ.
«Ӈынвычгаёюнэтылг’у округык кев’лаӈ апливэтатка еппы тит йиплэпавык то йингычголавык ёнатгиӈо Корякский округык. В’отэныӈӄо в’анявалай йитг’атвылӈыгиӈык ӈывома нытуйӄинэв вэтатг’ылв’ыё. Мую мывэтгыльг’алла миӈкые валг’ын йитики тойминистерстван, то миӈкые валг’о тайкыёв’ еллаке Корякский округепыӈ. Тит йингычголавык ёнатгиӈо Корякский округык тайкыёв’ ныг’итикынэв’ гамга государственный тэнмык. Мынг’ыӈволайкэ вэтатык, чемот ятан ав’аняватка миӈкые йиплэпавык этгиӈо Корякский округык»,-эвыӈ П. Ясевич.
Янотыӈ общественный иччету калечелай эналлачг’ынаӈ крайик В. Солодовынаӈ, натвынав’ ӈанко эчгикинэв’ ёнатгиӈо округык, то опта нэвийиӈын инэллэиччет Корякский округкен, меӈин мыев’ накоятактыӈын.
«Инэллэиччет Корякский округкен эчги мальактыка нымэлг’эв’ нывэтатэкэ тит йиплэпавык ёнатгиӈо юнэтылг’ин. Коӄлалаӈ катгогиӈо тит ынанныӈ министерствак вэтатык. Ӈэвэӄ йиг’уевыӈ нытуйӄин министерстван яӈволаӈ вэтатык ныкыттыг’ав’ ымыӈ ею йиплэпавык Корякский округык, то инэллэчг’у янг’алаӈ чаймыӈ ёнатылг’ыйикыӈ округык. Амъел явэтатэкэ инэллэиччет Корякский округык, ятан ынно енг’элыӈ Управленияно . В’отэныӈӄо инэллэиччет Корякский округкен йитики министерствак. Инэллэиччетин еллайкэ катгогиӈо ымыӈ вэтгвльг’атык Паланык то Корякский округык. То юнэтылг’у эмэлкэ яв’аняваллайке яӄам эналлачг’ыйикыӈ крайик. Яноткэнав’ вэтгиӈо инэллэиччетин Корякский округык еллайкэ ӄонпыӈ лиги лыӈык ымыӈ ею округкенав, тывык аӄайпыгиӈо то миӈкые ыччу элэк йиччык то йичичг’этыӈ миӈкые наяёг’экынав’ тайкыёв. То гамгарайонык явэталайке г’уемтэв’илг’у министерстваӈӄо»,- эвыӈ П. Ясевич.
Чейпыйиг’илгык йитг’атвылӈыма омакаӈ В. Солодовынак, юнэтылг’э Паланык опта натвынав’ чаткаёӈгиӈо тит навэтатэкэ округык инэллэиччет, ятан ынкыӈ ныг’итикынэв нымэлӄинэв’ катгогиӈо, меӈию эчги коӄлалан. В’отэныӈӄо уйӈэ эвыччетке эллай вэтгиӈо инэллэиччетин Корякский округык. Ынняӄ инэллэчг’у районкенав’ эв’лай, тит нэг’уевын ӄуллу инэллэиччет, мыев’ в’уччин уйӈэ эв’иннетке.
«Инэллэиччет Корякский округкен уйӈэ еӄэ мойкыӈ эв’ыннетке, мыев’ уйӈэ ынин катгогиӈо то апылв’ынтыкелг’ын. Ынаныӈ валг’о документав’ мыткуннийӈынэв’ ымыӈ эналлачг’ыӈ округык то министерствайтыӈ крайик. Аму ӈэвэк йиг’уевыӈ нытуйӄин министерстван ямейкотваллаӈ вэтгиӈо мучгинэв’»,- эвыӈ инэллэчг’ын Тигильский районык А. Пригоряну.
«5 гэвэгиӈо тыковэтатыӈ инэллэчг’у Карагинский районык, уйӈэ йин титэ в’уткые эетке эллай инэллэчг’у округык. Ычгинэв’ уйӈэ итке чининкинэв’ пылв’ынто, в’этэныӈӄо актыка еӄэӈын ныв’инненэв’. Актыка пелак пенин инэллэиччет округкен»,- эвыӈ В. Гаврилов.
Опта видео-в’аняватгиӈэпыӈ общественный эччатыӈӄо напӈылонав’ инэллэчг’у крайик, метке ӄейль накончоччымав’ӈын выг’аёк тэйкык ыннэн муниципальный иччет. В’уткекъит общественный эччатыӈӄо эв’лай, кытаван нанг’ыпӈылонав’ чаткаёӈгиӈо юнэтылг’ин Корякский округык.
«Ымоӈ чоччымав’гиӈо тэйкык ыннэн муниципальный иччет округык лиги нэелӈикынэв’ округык. Янотыӈ мыччапӈылоӈнав’ юнэтылг’у Корякский округык. Ӈэвэӄ йиг’анӄалаӈ итык ыннэн муниципальный иччетык, актыка мочгынан йинны мынтайкылан»,- эвыӈ П. Ясевич.
Инэллэчг’ын айгытӄываятэн эччатыӈӄо «КРОО «А КМНС «Корякия» З. Архангельская эвыӈ, тыткалэлан айӈавыткогиӈын, мыев’ котвалаӈ пыӈлов миӈкые амъел йитики Корякский округык, меӈинин инмы котвалаӈ яӈъя валг’о катгогиӈо.
«Видео-йитг’атвылӈыма мойкыӈ нэв’ламык, ӈэвэӄ наяӈвоӈын тэйкык ыннэн муниципальный иччет, янотыӈ наяпӈылоӈнав’ юнэтылг’у округык. Паланык явэтатэкэ иччет министерстваӈӄо то районык опта еллайкэ ычгинэв’ вэтатылг’о. Мую мыткев’лаӈ , инэллэиччет кытаван ныг’итики округкен гынунык Паланык. Мыев’ ӄутин субъектак котвалаӈ чининкинэв’ инэллэиччету округкен гынунык. 10 яяв’очг’ыйилгык гантоӈвав’лэн Национальный Корякский округ. В’утин гивик конг’алаӈ 90 гэвэгиӈо. Мыткев’лаӈ, айӈавыткогиӈык опта мытынтываннвв’ пыӈлов’ национальный политикакьет крайик»,- эвыӈ З. Архангельская.
«Мыев’ келлаӈ янья валг’о катгогиӈо Корякский округык, мытэв’ӈывола йинтоӈвавык министерстван меӈин явэтатэкэ йиплэпавык Корякский округ. Ӈэвэӄ йиг’уевыӈ министерстван, мыччаӈволаӈ гыматык яныплэпав’ӈык Корякский округ лиги лыӈма яӈъя валг’о катгогиӈо то Устав краевой. Омакаӈ вэтанма- мыччаныплэпав’лаӈын округ»,- эвыӈ П. Ясевич
Нытуйӄин министерстван миӈки накончоччымав’ӈын омакаӈ итылг’ын вэтгиӈын иччетин энаплэпав’гиӈэпыӈ край то инэллэиччет Корякский округкен аму яӈвоӈ вэтатык ӈывома 2021 гэвэгиӈык.
