Новости Камчатки на корякском языке за 17.09.2020 г.

17.09.2020 08:34:03 (GMT+12)

Новости Камчатки на корякском языке за 17.09.2020 г.
Ӄутин калэяк Петроравловскак - Камчаткакен инэллэчг'у калэякенав' анӄалай тэйкык ӈыeӄэв'кин смена, ӈанко ӈыволай вэтатык дистанционный йигыёлав'гиӈэпыӈ. В'отэныӈӄо В. Солодовыӈ ваняватэ пыче итылг'ын инингиву инэллэчг'ин краевой инэллэиччетык В. Сивак.

Ынно эвыӈ, эчги нэкунчичг'энӈынэв'  ымоӈ калэяв' миӈкые ыччу ковэталаӈ краевой инэллэиччетэ  энангыёлав'гиӈэпыӈ. То ынан чинин опта егитэӈнин ныквуӄинэв' калэяв'. В. Солодов эвыӈ , кытаван йичичг'этык ыннею этгиӈо.

"Актыка чымӄып кымиӈу ныейгучев'ӈикынэв' паненячг'энаӈ, ам ӄуччев' дистанционный : ыннею келлаӈ яӈъя валг'о яйгочав'ӈыгиӈо. Ыннин алваӈ валг'ын этгиӈын. Кытаван тывыӄ тыв'эв' эналлачг'ыйикыӈ калэяк, то тит ымоӈ опта инэллэчг'э муниципальный иччетык нэнг'ынчичг'этикынэв' ",- иви В. Солодов.

В. Сивак опта эвыӈ, яӈъя накогэтаӈвоӈнав' пыӈлов' калэякъет, меӈию натактыӈнав' тыг'ылгиӈыкъет. Тыг'ылгиӈыкъет ОРВИ натактыӈнат калэят Ильпырский Карагинский районыӈӄо то Апигин Пенжинский. Калэят в'уйвык Озерновский то Запорожье, то ыннэн класс Мильковык уйӈэ авэтатка аӄачыг'ычгиӈыкъет СOVID- 19.

*

Галалг'ывэтатвытгыйик Петропавловскайтыӈ - Камчаткакен нэеннэв' явэнаӈо лыӈылг'у дезаро. В'утин майӈыв'уйвык ӄымек гамгакалэяк котвалаӈ ыннею явэнаӈо. В'отэныӈӄо в'аняватэ В. Сивак.

Опта ынно эвыӈ , еппы ӄутин калэяк коӄланӈыволаӈ явэнаӈыӈ дезарыӈ. Мальӈынвыӄ дезаро ныг'итикынэв' Елизовский районык.

*

Нымэлӄин кытгемгиӈын китыӈ эняччыгиӈо аӄачыг'ычгиӈыӈ COVID-19 - гаяйтаӈӈывота увикив'.

Ӄонпыӈ ганмытӈывота мынго, мылата конмыӈнэн ымоӈ микробав'.

Гаяваӈвота г'иӈытг'ым айпиньӈу то ыннеӈчеӈ эпылг'о йилгылилив', тит увикив' яйтаӈык то ӄуччев' атг'ылпэнника.

Ӄонпыӈ ганмытӈывота мынго антисептиката кымг'ылэма вэлиткояӈӄо, лайвыгиӈыӈӄо.

Кытыл чеймык итке ӄутин г'уемтэв'илг'ык 1,5 - 2 метрав', титэ миӈки котваӈволатыӄ  ӈэвэӄ ӈынвыӄ г'уемтэв'илг'у котвалаӈ.

Эчгыпо йинчоччымав'нэн С. Тынанто.

Новости Камчатки на корякском языке за 16.09.2020 г.: https://poluostrov-kamchatka.ru/pknews/news/detail.php?ID=279384