13.08.2020 09:28:33 (GMT+12)
Инэллэчг'у Камчаткакенав' амъел ковэталаӈ тит малеёчга пыйик энанг'отав'гиӈо, меӈию янот эллай аӄачыг'ычгиӈыкъет COVID - 19.
В'аняванма омакальг'анма пыче итылг'ын инэллэчг'у Камчаткак В. Солодов эвыӈ : " Коплэпавыӈ инмы этгиӈын тыг'ылгиӈыкъет, эмэлкэ эчги амъел пыйик энанг'отав'гиӈо". Ынан йилнин тайкыёв', тит ныг'ыӈвойкынав' вэтатык иччету итылг'у ЗАГСано, эмэлкэ майӈыав'ъеяк ынтэйкикынэв' ангыто, то опта нэнг'ынв'эӈэтикынэв' вано, миӈки каликалу наков'ъепӈывоӈнав'. Ятан эв'ынчам увикив' яйтаӈык тит атг'ылпенника аӄачыг'ычгиӈа.
Пыче итылг'ын инэллэчг'у крайик эвыӈ, эчги ныкыттыг'ав' нэнг'ынчичг'этикынэв' миӈые накояваӈвоӈнав' г'иӈытг'ымайпиньӈу. Мыкъян кенӈыволаӈ вилиткуванык, ав'ъеяк то спортакен ванык. В'отэныӈӄо, ӈэвэӄ увикив' аяйтаӈка, гымлэ яӈвоӈ мыкатык аӄачыг'ычгиӈын. Ынкекъйит ымоӈ юнэтылг'э нанг'ыявайкынав' ымыӈ ею тит атг'ылӈывока.
*
Нэкминэв' тайкыёлӄыло тит нымэлг'эв' нагалан ангытыткогиӈын титэ янг'алан 280 гэвэгиӈо майӈыв'ойвыӈ Петропавловск - Камчаткакен. В'утку келлаӈ ымыӈ культуракенав', спортакенав', энаплэпав'гиӈо ымыӈ яӄэпыӈ майӈыв'уйвык, то общественный ёнатгиӈэпыӈ.
В'утин тэнмык наяӈвоӈнав' тэйкык 8 имы яӄ тайкыёв'. "Ныплэпӄэн в'уйвынаӄо", "В'уйвын ангытыткокен", "В'уйвын кымеӈыйикыӈ", "Тойваятэн в'уйвын", то ӄуччев'. То мыев' еппы паёчалай энанг'отав'гиӈо аӄачыг'ычгиӈыкъет COVID-19, ӄуччев' ангыткенав' этгиӈо ягалалаӈ online.
Эчгыпо йинчоччымав'нэн С. Тынанто.
Эчгыпо Камчаткакенав' чав'чываеличг'энаӈ 12.08.2020 г.: https://poluostrov-kamchatka.ru/pknews/detail.php?ID=278192
В'аняванма омакальг'анма пыче итылг'ын инэллэчг'у Камчаткак В. Солодов эвыӈ : " Коплэпавыӈ инмы этгиӈын тыг'ылгиӈыкъет, эмэлкэ эчги амъел пыйик энанг'отав'гиӈо". Ынан йилнин тайкыёв', тит ныг'ыӈвойкынав' вэтатык иччету итылг'у ЗАГСано, эмэлкэ майӈыав'ъеяк ынтэйкикынэв' ангыто, то опта нэнг'ынв'эӈэтикынэв' вано, миӈки каликалу наков'ъепӈывоӈнав'. Ятан эв'ынчам увикив' яйтаӈык тит атг'ылпенника аӄачыг'ычгиӈа.
Пыче итылг'ын инэллэчг'у крайик эвыӈ, эчги ныкыттыг'ав' нэнг'ынчичг'этикынэв' миӈые накояваӈвоӈнав' г'иӈытг'ымайпиньӈу. Мыкъян кенӈыволаӈ вилиткуванык, ав'ъеяк то спортакен ванык. В'отэныӈӄо, ӈэвэӄ увикив' аяйтаӈка, гымлэ яӈвоӈ мыкатык аӄачыг'ычгиӈын. Ынкекъйит ымоӈ юнэтылг'э нанг'ыявайкынав' ымыӈ ею тит атг'ылӈывока.
*
Нэкминэв' тайкыёлӄыло тит нымэлг'эв' нагалан ангытыткогиӈын титэ янг'алан 280 гэвэгиӈо майӈыв'ойвыӈ Петропавловск - Камчаткакен. В'утку келлаӈ ымыӈ культуракенав', спортакенав', энаплэпав'гиӈо ымыӈ яӄэпыӈ майӈыв'уйвык, то общественный ёнатгиӈэпыӈ.
В'утин тэнмык наяӈвоӈнав' тэйкык 8 имы яӄ тайкыёв'. "Ныплэпӄэн в'уйвынаӄо", "В'уйвын ангытыткокен", "В'уйвын кымеӈыйикыӈ", "Тойваятэн в'уйвын", то ӄуччев'. То мыев' еппы паёчалай энанг'отав'гиӈо аӄачыг'ычгиӈыкъет COVID-19, ӄуччев' ангыткенав' этгиӈо ягалалаӈ online.
Эчгыпо йинчоччымав'нэн С. Тынанто.
Эчгыпо Камчаткакенав' чав'чываеличг'энаӈ 12.08.2020 г.: https://poluostrov-kamchatka.ru/pknews/detail.php?ID=278192
