28.12.2020 06:57:30 (GMT+12)
Чининкинэк телеканалык галай в’аняватгиӈын «Актметгиӈо галалг’ыгэвэгиӈыкэнав’ В. Солодовын», ынан тывынэн яноткенакъет этгиӈыкъет, меӈию эллай Камчаткак. Ынно эвыӈ:
Майӈывакцинациян Камчаткак наяӈвоӈын ӈывома 2021 гэвэгиӈын. Нотаг’эӈыткынэтыӈ нэеннэв’ 19700 дозав’ тит атг’ылӈывока тойаӄачыг’ычгиӈа.
2023 гэвэгиӈык йиг’ояв’лаӈ вэлиткояк чининкинэв’ тыӈэчг’у. Сосновкак наӈвогаг’ын йинтыватык ваны, миӈки нэенмейӈэв’кинэв’ тыӈэчг’у.
Инэллэчг’э нэев’иннетикынэв’ овекеӈ таяӈылг’о.
2021 гэвэгиӈык нэенив’тылэнӈынэв’ вэлатгиӈо аякальг’атгиӈэпыӈ вэтатъэччатылв’ыныӈ. Ыннею яв’эннялаӈ йинив’тылэтвэтык вэлатгиӈо ыйик вэтгиӈыкъет.
Ӈыяӄ гэвэгиӈо наяяваӈнав’ йинтыватык 41 малав’ъяпелӄо (ФАПо). Инэллэчг’э регионык тывынэн миӈкые валг’о йиплэпав’гиӈо еллайкэ энанмалав’гиӈык то миӈкые валг’о вэтгиӈо наяӈвоӈнав’ яноткенак иччетык энанмалав’гиӈэпыӈ.
Яёг’ыӈма тайкыёлӄыло Президентан РФ то Инэллэиччетин РФ тит ангычголав’ка вэлатгиӈо яноткенак пичгыкъйит, Камчаткак опта наӈвонав’ тэйкык каликалу тэпичгыӈъиччетылв’ыныӈ то вэлатгиӈпыӈ тит еӄӄым ангычголав’ка нэнг’ынтикынэв’ вэлатгиӈо пичгыкъйит, меӈию келлаӈ чаӄарив’ то подсолнечный мытӄил. В. Солодовынак тывынэн вэлатгиӈо айгытӄыӈӄал итылг’ык в’уйвык. Ынно эвыӈ, ыннею вэлатгиӈо алваӈ валг’о. Ыннэн йиллит чаӄарин китыӈ 100 рублив’.
Еӈальг’атгиӈо гынонэпыӈ Камчаткак яплэпав’лайкэ. Еӈальг’атгиӈо Петропавловскаӈӄо-Камчаткакен ӄутин регионэтыӈ Дальний Востокык ямкалаӈ.
Явэталайкэ тит йингычголавык туризмакенав’ этгиӈо Камчаткак.
Яйичг’ыӈ меӈию ниччыг’эв’ коёналаӈ, еллайкэ в’эннятгиӈо лыг’ук мыкпылв’ынтылг’о вэлатгиӈпыӈ вэтгиӈо. Йинпыльв’ынтов’гиӈо тайкыёлӄылэн социальный контрактэн ямайӈалаӈ 35- чаӈ.
Эчгыпо йинчоччымав’нэн С. Тынанто.
Майӈывакцинациян Камчаткак наяӈвоӈын ӈывома 2021 гэвэгиӈын. Нотаг’эӈыткынэтыӈ нэеннэв’ 19700 дозав’ тит атг’ылӈывока тойаӄачыг’ычгиӈа.
2023 гэвэгиӈык йиг’ояв’лаӈ вэлиткояк чининкинэв’ тыӈэчг’у. Сосновкак наӈвогаг’ын йинтыватык ваны, миӈки нэенмейӈэв’кинэв’ тыӈэчг’у.
Инэллэчг’э нэев’иннетикынэв’ овекеӈ таяӈылг’о.
2021 гэвэгиӈык нэенив’тылэнӈынэв’ вэлатгиӈо аякальг’атгиӈэпыӈ вэтатъэччатылв’ыныӈ. Ыннею яв’эннялаӈ йинив’тылэтвэтык вэлатгиӈо ыйик вэтгиӈыкъет.
Ӈыяӄ гэвэгиӈо наяяваӈнав’ йинтыватык 41 малав’ъяпелӄо (ФАПо). Инэллэчг’э регионык тывынэн миӈкые валг’о йиплэпав’гиӈо еллайкэ энанмалав’гиӈык то миӈкые валг’о вэтгиӈо наяӈвоӈнав’ яноткенак иччетык энанмалав’гиӈэпыӈ.
Яёг’ыӈма тайкыёлӄыло Президентан РФ то Инэллэиччетин РФ тит ангычголав’ка вэлатгиӈо яноткенак пичгыкъйит, Камчаткак опта наӈвонав’ тэйкык каликалу тэпичгыӈъиччетылв’ыныӈ то вэлатгиӈпыӈ тит еӄӄым ангычголав’ка нэнг’ынтикынэв’ вэлатгиӈо пичгыкъйит, меӈию келлаӈ чаӄарив’ то подсолнечный мытӄил. В. Солодовынак тывынэн вэлатгиӈо айгытӄыӈӄал итылг’ык в’уйвык. Ынно эвыӈ, ыннею вэлатгиӈо алваӈ валг’о. Ыннэн йиллит чаӄарин китыӈ 100 рублив’.
Еӈальг’атгиӈо гынонэпыӈ Камчаткак яплэпав’лайкэ. Еӈальг’атгиӈо Петропавловскаӈӄо-Камчаткакен ӄутин регионэтыӈ Дальний Востокык ямкалаӈ.
Явэталайкэ тит йингычголавык туризмакенав’ этгиӈо Камчаткак.
Яйичг’ыӈ меӈию ниччыг’эв’ коёналаӈ, еллайкэ в’эннятгиӈо лыг’ук мыкпылв’ынтылг’о вэлатгиӈпыӈ вэтгиӈо. Йинпыльв’ынтов’гиӈо тайкыёлӄылэн социальный контрактэн ямайӈалаӈ 35- чаӈ.
Эчгыпо йинчоччымав’нэн С. Тынанто.
