24.12.2020 08:29:34 (GMT+12)
Инэллэчг’э крайик то инэллэчг’э тапечгыӈгиӈэпыӈ наёг’ынат ӈыччеӄ ӄояв’ъепиччетыт: ООО «Ӄояв’ъепылг’ын» то «Йиплэпав’гиӈо ӄоячетгиӈэн», меӈию келлаӈ Быстринский то Тигильский районык.
2021 гэвэгиӈык ӄоявъепгиӈэтыӈ накончоччымав’ӈынав’ ӄымек 300 миллионав’ пылв’ынто.
Государственный тайкыёлӄылэпыӈ ӄояв’ъепэччатыӈ келлаӈ в’эннятгиӈо гыйипык ӄояв’: наковэланӈывоӈнав’ ӈэллу, тэг’и ӈанко накайтаӈнав’ ӄояв’. Опта наконкымг’ылэв’ӈывоӈнав’ 80 % явалг’о пылв’ынто куйик имыяӄ лэйвинэӈу.
«Ынкыяпыӈӄо ынниг’ан валг’о в’эннятгиӈо накойилӈывоӈнав’. В’аняванма вэтатылг’ык ӄояв’ъепгиӈык, мыткев’лаӈ- ӄотэнычг’энаӈ гитэк миӈкые валг’о пылв’ынтыв’эннятгиӈо ныг’итикынэв’ яӈъя валг’о гамга эччатыӈ»,- эвыӈ инэллэчг’ын тапечгыӈгиӈэпыӈ крайик В. Черныш.
Иччет «Йиплэпавык ӄояв’ъепгиӈо» ковэтатыӈ 20 гэвэгиӈо. Янот эллай 100 ӄояв’, то эчги ныг’аллай 9 тысячав’ ӄояв’. В’утку ымыӈ ею нымэлг’эв’ вэтгиӈэпыӈ гэтэйкылинэв’ - накайтаӈнав’ то накунымкав’ӈынав’ ӄояв’, то ӄоякинуӈнакенав’ имы яӄ пичгу накотайкыӈвоӈнав’. Ымыӈ инанӄитав’кин явэнаӈ котваӈ.
«Ӄолэнэтыӈ еллайкэ тайкыёв’ тит чинин навэтатэкынав’ ӄояв’ъепиччету. В’отэныӈӄо нымэлг’эв’ ковэтатыӈ иччет «Йиплэпавык ӄояв’ъепгиӈо». Эчги чининкинэв’ пылв’ынто келлаӈ 70 %, то ятан 30% в’эннятгиӈо крайиӈӄо. Эмэн, ӄуччев’ иччету ынниг’ан навэтатэкынав’. Ватӄэначг’энаӈ наянчоччымав’ӈынав’ в’эннятгиӈо. Тэнмыталойиг’илгык ыннею пыӈлов’ наятанвэтгыӈнав’ омакальг’анма. Янотыӈ наяёг’ыӈнав’ ватӄэнав’ ӈэлвылг’у, наянв’анявпнӈынав’ ымоӈ ӄояв’ъепылг’о, тит лиги лыӈык ычгинэв’ чаткаёӈгиӈо ыйик вэтгиӈэпыӈ»,- эвыӈ В. Солодов.
Эчги ымоӈ ӄояв’ъиччету ковэталаӈ 9. Акмэтгиӈэпыӈ 2020 гэвэгиӈык, накайтаӈнав’ мыкыӈ 43 тысячав’ ӄояв’.
Эняннимевылг’ын С. Тынанто
2021 гэвэгиӈык ӄоявъепгиӈэтыӈ накончоччымав’ӈынав’ ӄымек 300 миллионав’ пылв’ынто.
Государственный тайкыёлӄылэпыӈ ӄояв’ъепэччатыӈ келлаӈ в’эннятгиӈо гыйипык ӄояв’: наковэланӈывоӈнав’ ӈэллу, тэг’и ӈанко накайтаӈнав’ ӄояв’. Опта наконкымг’ылэв’ӈывоӈнав’ 80 % явалг’о пылв’ынто куйик имыяӄ лэйвинэӈу.
«Ынкыяпыӈӄо ынниг’ан валг’о в’эннятгиӈо накойилӈывоӈнав’. В’аняванма вэтатылг’ык ӄояв’ъепгиӈык, мыткев’лаӈ- ӄотэнычг’энаӈ гитэк миӈкые валг’о пылв’ынтыв’эннятгиӈо ныг’итикынэв’ яӈъя валг’о гамга эччатыӈ»,- эвыӈ инэллэчг’ын тапечгыӈгиӈэпыӈ крайик В. Черныш.
Иччет «Йиплэпавык ӄояв’ъепгиӈо» ковэтатыӈ 20 гэвэгиӈо. Янот эллай 100 ӄояв’, то эчги ныг’аллай 9 тысячав’ ӄояв’. В’утку ымыӈ ею нымэлг’эв’ вэтгиӈэпыӈ гэтэйкылинэв’ - накайтаӈнав’ то накунымкав’ӈынав’ ӄояв’, то ӄоякинуӈнакенав’ имы яӄ пичгу накотайкыӈвоӈнав’. Ымыӈ инанӄитав’кин явэнаӈ котваӈ.
«Ӄолэнэтыӈ еллайкэ тайкыёв’ тит чинин навэтатэкынав’ ӄояв’ъепиччету. В’отэныӈӄо нымэлг’эв’ ковэтатыӈ иччет «Йиплэпавык ӄояв’ъепгиӈо». Эчги чининкинэв’ пылв’ынто келлаӈ 70 %, то ятан 30% в’эннятгиӈо крайиӈӄо. Эмэн, ӄуччев’ иччету ынниг’ан навэтатэкынав’. Ватӄэначг’энаӈ наянчоччымав’ӈынав’ в’эннятгиӈо. Тэнмыталойиг’илгык ыннею пыӈлов’ наятанвэтгыӈнав’ омакальг’анма. Янотыӈ наяёг’ыӈнав’ ватӄэнав’ ӈэлвылг’у, наянв’анявпнӈынав’ ымоӈ ӄояв’ъепылг’о, тит лиги лыӈык ычгинэв’ чаткаёӈгиӈо ыйик вэтгиӈэпыӈ»,- эвыӈ В. Солодов.
Эчги ымоӈ ӄояв’ъиччету ковэталаӈ 9. Акмэтгиӈэпыӈ 2020 гэвэгиӈык, накайтаӈнав’ мыкыӈ 43 тысячав’ ӄояв’.
Эняннимевылг’ын С. Тынанто
