22.12.2020 08:39:23 (GMT+12)
Етылг’у малавынвэтыӈ городэтыӈ юнэтылг’у Корякияк то ӄутин районык йинпылв’ынтов’гиӈэпыӈ тайкыёв’ тыӈивылг’ин ваятэн тит тэйкык йивиту инэйичилг’ин, нывэллай малъямкыяк эвилэткэ.
Ыннин в’эннятгиӈын айгытӄываятыӈ ӄонпыӈ коллаӈӈывоӈнэн тыӈивылг’э ваята крайик Т. Романовынак. Тит эвилкэ ныг’ынвиликынэв’ ямкыяк, нэнг’ынгыйивэтикынэв’ калитг’улу миӈкые ыччу нанӈивынав’ йичечг’атынвыӈ метке малавынвэтыӈ Петропавловскак- Камчаткакен.
«Мую мыткоег’анӈыволаӈ омакаӈ вэтатык инэллэчг’ык ямкыякен Б. Рим. Ӄайлим, нымэлӄинэв’ ямкыяк вэтатылг’о, нэӈъэлӄинэв’ ятылг’ыйикыӈ. Ымыӈ ею котвалаӈ то ӄонпыӈ омчыко то нув’тамг’ав’. Социальный ямкыян китыӈ гынунык городык, в’отӄойиӈ эмэлкэ инг’э ёг’ык малав’ъяв’»- энанъеёлавэ Т. Романова, ёг’ыма ямкыян.
«Аньӈыта мытковэталлаӈ иччетык социальный в’эннятгиӈэпыӈ. Ыннею келлан ‘ нымэлӄинэв’ в’этгиӈо. В’уччин тайкыён китыӈ - айгытӄываятыӈ, г’оямтав’элг’ыйикыӈ меӈию ниччыг’эв’ коёналаӈ, етылг’у Петропавловск- Камчаткакен йичечг’атынвэтыӈ, метке малавынвэтыӈ. В’ача йиг’илгын накояваӈын ваккы городык. В’отэныӈӄо мытков’энянӈывоӈнав’. Ымыӈ мекив’ в’утку эллай, ычгынан мэлу нэлӈын ямкыяк. В’уткекъйит калечелай юнэтылг’у Паланык, Усть- Хайрюзовык, Оссорак то ӄуччев’»,-эвыӈ Т. Романова.
Тайкыён йинтоӈвавылг’ын Т. Романовынак ковэтатыӈ мыкыӈ 10 гэвэгиӈо, в’утку нывэллай мыкыӈ 1500 г’уемтэв’илг’у юнэтылг’у ыявак айгытӄыӈӄал. В’уткекъйит калечелай эначгыпавылг’о Законодательный Умекетык крайик.
Эчгыпо йинчоччымав’нэн С. Тынанто.
Ыннин в’эннятгиӈын айгытӄываятыӈ ӄонпыӈ коллаӈӈывоӈнэн тыӈивылг’э ваята крайик Т. Романовынак. Тит эвилкэ ныг’ынвиликынэв’ ямкыяк, нэнг’ынгыйивэтикынэв’ калитг’улу миӈкые ыччу нанӈивынав’ йичечг’атынвыӈ метке малавынвэтыӈ Петропавловскак- Камчаткакен.
«Мую мыткоег’анӈыволаӈ омакаӈ вэтатык инэллэчг’ык ямкыякен Б. Рим. Ӄайлим, нымэлӄинэв’ ямкыяк вэтатылг’о, нэӈъэлӄинэв’ ятылг’ыйикыӈ. Ымыӈ ею котвалаӈ то ӄонпыӈ омчыко то нув’тамг’ав’. Социальный ямкыян китыӈ гынунык городык, в’отӄойиӈ эмэлкэ инг’э ёг’ык малав’ъяв’»- энанъеёлавэ Т. Романова, ёг’ыма ямкыян.
«Аньӈыта мытковэталлаӈ иччетык социальный в’эннятгиӈэпыӈ. Ыннею келлан ‘ нымэлӄинэв’ в’этгиӈо. В’уччин тайкыён китыӈ - айгытӄываятыӈ, г’оямтав’элг’ыйикыӈ меӈию ниччыг’эв’ коёналаӈ, етылг’у Петропавловск- Камчаткакен йичечг’атынвэтыӈ, метке малавынвэтыӈ. В’ача йиг’илгын накояваӈын ваккы городык. В’отэныӈӄо мытков’энянӈывоӈнав’. Ымыӈ мекив’ в’утку эллай, ычгынан мэлу нэлӈын ямкыяк. В’уткекъйит калечелай юнэтылг’у Паланык, Усть- Хайрюзовык, Оссорак то ӄуччев’»,-эвыӈ Т. Романова.
Тайкыён йинтоӈвавылг’ын Т. Романовынак ковэтатыӈ мыкыӈ 10 гэвэгиӈо, в’утку нывэллай мыкыӈ 1500 г’уемтэв’илг’у юнэтылг’у ыявак айгытӄыӈӄал. В’уткекъйит калечелай эначгыпавылг’о Законодательный Умекетык крайик.
Эчгыпо йинчоччымав’нэн С. Тынанто.
